Cont sij allen lieden dat vranck vander haghen sone/ wilen vrancx ende margriete crabs sijn huysvrouwe/ woenen(de) te bierbeke in p(rese)ncien der scepen(en) van loven(e)/ gestaen hebben genome(n) en(de) bekint genomen te hebben/ teghen gielijse [va(n)] holair zadelmake(r) [thof] gelegen te wet(er)beke/ metten huysen hoven wynnen(de) lande beemden eeusselen/ bog(ar)de en(de) allen ande(re)n sijne(n) toebehoirten Te houden(e)/ te hebben(e) en(de) te wynnen(e) van half m(er)te naestcomen(de)/ eenen t(er)mijn van tweelf ja(r)en lang due(re)nde deen/ na dande(r) sonder middel volghen(de) elcx jairs dae(re)nbynne(n)/ voe(r) en(de) o(m)me de helicht van allen den greyne en(de) oefte/ opde voirs(creven) goede wassen(de) welc greyn gedorsschen sijnde/ en(de) desgelijcx dooft ter eerden gedeylt liggen(de) de/ voirs(creven) gehuysschen sculdich sullen sijn jairlix te loven(e)/ te leve(re)n den voirs(creven) gielijse quol(ibe)t ass(ecutu)[m] Ende es/ vorw(er)de dat de voirs(creven) gehuysschen de voirs(creven) goede/ den voirs(creven) t(er)mijn due(re)nde houden wynne(n) werven ende/ mesten sullen ten behoirliken tijde wel en(de) loflic gelijc/ regenoten bove(n) en(de) beden alsoe wel de verste als de/ naeste ende de arde die sij tot hue(re)n innecome(n) vinde(n)/ sullen te weten(e) den wynt(er)art sullen sij besaeyt laten/ op viere getijdege voren en(de) de som(er)art op drie en(de)
//
evene op twee ende de stortte eens o(m)megedaen It(em) sulle(n)/ de voirs(creven) gehuyssche(n) jairlicx moeten leve(re)n int voirs(creven) hoff/ een hond(er)t cusbaer walme(re) om de huysinge mede te decken(e)/ ende soe wa(n)neer men d(aer) dect oft plect oft oic metst/ sullen de selve gehuyssche(n) alsulken twee gesellen als de/ voirs(creven) gielijs ald(aer) setten sal den montost geven tot twee/ daghen toe en(de) niet hanghe(r) en(de) gielijs sal de dachue(re)n/ betalen tot welken weke de voirs(creven) gehuyssche(n) aen sulle(n)/ moete(n) halen den leem en(de) steenen tot vii oft viii voede(re)n toe/ diemen d(aer) toe verorbe(re)n sal daer voe(r) de selve gehuysschen/ de weye vanden cleyne(n) bog(ar)de d(aer) voe(r) hebben sullen It(em)/ sullen de voirs(creven) gehuyssche(n) voe(r) de voirs(creven) beemde ende/ eeussele en(de) ande(re) weyehue(re)n den voirs(creven) gielijse jairlix/ geve(n) tot des voirs(creven) es achtien rijnssche guld(en) te tsestich pl(a)c(ken) tstuc m(er) des sullen hen d(aer)aen cortten vie(r) oft vive/ rijnssche guld(en) ind(er) selv(er) weerden diemen aen dmest jairlix/ sal moeten leggen ten p(ro)fijte der voirs(creven) lande en(de) dat/ vue(re)n opte voirs(creven) lande It(em) en sullen de selve gehuysschen/ niet gehouden sijn e(n)nige straten oft wat(er)loepen te veghen(e)/ noch te houden(e) mits dat de voirs(creven) gielijs de helicht vande(n)/ voirs(creven) oofte heeft gelijc voirs(creven) steet It(em) en sullen de selve/ gehuysschen gheen bome staen(de) aende beemde moegen truncken/ dan aende wynnen(de) lande en(de) vorlen staen(de) dat ten halfteele/ gegaen heeft desgelijcx sullen de voirs(creven) gehuyssche(n) de hoecke/ aende voirs(creven) besayde lande staen(de) den voirs(creven) t(er)mijn due(re)nde/ opgrechten It(em) sullen de voirs(creven) gehuysschen vanden voirs(creven)/ lande voer uut hebben een half boend(er) lants inde stortte/ en(de) een dachmael inde brake om rapen te sayen m(er)/ des sulle(n) de selve gehuysschen gehoude(n) sijn tselve dach(mael)/ lants voer alleheyligemesse te laten met wynt(er)coren(en)/ besayt ende oft daer inne gebrec wa(r)e sal de selve/ gielijs alsdan moegen voer uutneme(n) een dach(mael) lants/ vanden voirs(creven) lande met wynt(er)coren(en) besayt Item es/ vorw(er)de dat de voirs(creven) gehuysschen ov(er)tijt den voirs(creven)/ t(er)mijn lang due(re)nde moeten houden hond(er)t scape It(em)/ soe wa(n)neer men tvoirs(creven) greyn picken oft maeyen sal/ sal de voirs(creven) gielijs gehouden sijn te leve(re)n eene(n) p(er)soen/ die de bande leggen sal sonder meer en(de) de schoeve/ gebonden sijnde sullen de voirs(creven) gehuyssche(n) gehouden sijn
//
van elken stucke dierste voed(er) voe(r) den voirs(creven) gielijse/ in sijn schue(re) te vueren(e) en(de) alsoe voirt van elke(n) stucke/ en(de) voe(r) de wynne(n) dande(r) It(em) sullen de voirs(creven) wynne(n)/ jairlicx gehoude(n) sijn opde voirs(creven) lande met sijnen/ wagen(en) en(de) p(er)den te halen opde cuyle dertich voede(re)n/ m(er)gels en(de) die vue(re)n opte voirs(creven) lande tslants meeste(n)/ p(ro)fijte It(em) desgelijcx sullen de selve gehuysschen den/ voirs(creven) gielijse jairlicx moeten doen vie(r) corweyen/ met hue(re)n wagen(en) en(de) p(er)den van wet(er)beke te loven(e)/ oft den selve(n) gielijse d(aer) voe(r) jairlicx geven tweelf st(uvers)/ sond(er) afslach des voirs(creven) steet Ende alle dese vorw(er)d(en) (et)c(etera)/ Cor(am) boxho(r)en tybe dec(embris) xix