It(em) jan willems soen wilen willems ende willem zijn sone p(ri)us ema(ncipa)[t(us)]/ in p(rese)ncia (et)c(etera) hebben genomen en(de) bekindt genomen te hebben van pet(ere)n/ vander straten geheten fey [als p(ro)cur(ator) meye(r) en(de) rintm(eeste)r he(r) lod(ewijcx) pynnock rydd(er)s meyers te loven(en)] de moelen gelegen ts(in)te pet(er)s rode/ opte biest aldair Te houden ende te hebben vanden yersten/ daghe van oeghstmaend naistcomen(de) eenen termijn van/ drie jairen lang due(re)nde deen na dander sonder middel volgen(de)/ Elcx jairs dae(re)nbynnen voe(r) ende om sesthien mudden rogs/ goets en(de) payabels der maten van loeven(en) alsulcx [grains] als [op] de vors(creven)/ moelen wynnen sall telken quartie(r) jairs te betalen den vors(creven)/ pet(ere)n fey jairlicx den vors(creven) t(er)mijn due(re)nde et quo(li)[b(et)] ass(ecutu)[m] En(de)/ es vorwerde dat de voirs(creven) molde(r) de voirs(creven) moelen tsijnen/ laste den vors(creven) termijn due(re)nde van allen gaenden wercke/ houden sall uutgescheiden de steene Ende so wanneer de/ voirs(creven) peter den voirs(creven) molde(r) eenen ande(re)n loepe(r) levert dwelck/ hij doen moet bynnen desen jaire dat dan de vors(creven) moldere/ betalen sall tsijnen afscheiden den voirs(creven) pet(ere)n voer elken duym/ gesletens steens twee cronen te xxv stuv(er)s tstuc iii pl(a)c(ken)/ den stuv(er) ter taxacien van moelensleghers diemen alsdan/ in wed(er)zijde dair toe nemen sall It(em) sall de voirs(creven) molde(r)/ de vors(creven) moelen laten tsijnen afscheiden alsoe goet als hijse vynde(n)/ sall tsijnen aencomen oic ter taxacien van goeden mannen En(de)/ des sall de voirs(creven) wyn hebben den vors(creven) termijn due(re)nde dbeem/ deken geheten den moelen hoff sonder yet dair voe(r) te gheven/ It(em) en sullen de vors(creven) molders dwin[t]gat vander moelen tot gheenre/ tijt moegen optrecken het en ware dat de moelen ter horst neven/ thoff gelegen stille stont dan sonder consent des molders vand(er)/ selver moelen welke vorwerden (et)c(etera) Geloven(de) voirt de vors(creven) mold(er)s/ dat zij bynne(n) den vors(creven) t(er)mijne gheene va(n) heure(n) erfliken goeden en/ selen moege(n) v(er)copen noch v(er)setten sonder consent des vors(creven) pet(er)s/ Et p(ri)mus cor(am) roelants hoeven julii xxix