It(em) karle tripa woenende te ghete heeft gekindt ende gelijdt dat/ hem dierick le begghe rentmeest(er) nut(er)tijt onss gened(ichs) h(ere)n tsh(er)togen/ in zijnre stad van loeven gecontenteert ende v(er)nueght heeft/ van alsulken twintich mudden evenen alse d(air)inne de selve/ rentmeest(er) te hemw(er)t gehouden was uut saken van eenre/ uutspraken tuschen hen gedaen bij segghe(re)n voe(r) scepen(en)/ van ghete in julio lestleden alse vander pechtinghen/ vanden hove des vors(creven) rentmeest(er)s dwelc de vors(creven) karle/ gehouden heeft en(de) mids desen d(air)af gescheiden es Scelden(de)/ den selven rentmeest(er) va(n) des voirs(creven) es en(de) van allen ande(re)n/ schulden en(de) actien p(er)sonelen d(air) inne de selve rentm(eeste)r te hemw(er)t/ gehouden mocht zijn tot desen daghe toe in wat manie(re)n dat/ zij volcomelic quijt P(ro)mitt(ens) non alloqui sed war(andizare) cor(am) boxh(oren)/ tants aug(usti) xiii