Alsoe als ten vervolghe arnts de vorste(re) en(de) margriete(n) haechma(n)s/ geleidt zijnde naden rechte der stadt van loeven(e) voe(r) huer wettich/ gebreck van tweeen(de)nege(n)tich rijnsch gulden(en) tot allen de(n) goeden/ beide have en(de) erve kathlijne bubbeleers der selver kathlijne(n) met/ eenen vorste(r) bij consentente vander stadt heurs hande hadde/ doen lichte(n) vande(n) voirs(creven) goeden oft dat zij des tot eenen sek(ere)n/ dage van rechte op heden dienen(de) alhier quame int recht des/ de voirs(creven) arnt en(de) m(ar)griete heur gedroege(n) tot de(n) vorste(r)/ en(de) de voirs(creven) kathlijne tot heure(n) dage van rechte niet come(n)/ en es noch niema(n)t van sijne(n) [heu(re)n] wege(n) Soe hebben de scepen(en) va(n)/ loeven(e) yerst gehoirt andriese va(n) voshem vorste(r) die cleerde/ bij sijne(n) eede dexecutie en(de) exploit bij hem gedaen te hebben(e)/ gewijst voe(r) een vonnisse soe verre de voirs(creven) kathlijne niet/ en quame te(n) opstaen(e) smeyers en(de) van hen scep(enen) datme(n) da(n) de(n)/ voirs(creven) geledden vande(n) voirs(creven) goede(n) houde(n) sal in sijne(n) [heure(n)] voirs(creven)/ beleide tot heu(r)en wettige(n) gebreke behoef alsoe verre als/ noch voe(r) hen scepen(en) come(n) es Cor(am) om(n)ib(us) scabinis dempt(is)/ pynnock roelants octobr(is) xvi[a]