SAL7770, Act: R°133.4-V°133.1 (266 of 897)
Search Act
previous | next
Act R°133.4-V°133.1  
Act
Date: 1483-10-23

Transcription

2021-11-21 by Transkribus Software
Item wouter vande(n) hove sone wile(n) jans woenen(de) te bincke(m) voe(r) hem en(de)/
inde(n) name en(de) van wege(n) jans zijns brueders onder sijn dage(n) sijnde/
in p(rese)ncia heeft verhuert en(de) bekindt verhuert te hebben(e) willeme/
cloest(er)mans sone wile(n) jans een huys en(de) hoff met eene(n) bogairde/
en(de) alle(n) andere(n) toebehoirte(n) alsoe dat gelege(n) es te bivoirde(n) onder/
kercke(m) tussche(n) spaenhuys hoff op deen sijde en(de) de goede lijsbette(n)/
vande(n) hove op dande(re) Te houden te hebben te gebruycke(n) en(de) te
//
besitten vande(n) dage van hede(n) soe langhe de voirs(creven) wille(m) leve(n) sal om/
en(de) voe(r) eene seke(re) so(m)me van penni(n)ge(n) d(air) af de voirs(creven) wout(er) inde(n) name/
als bove(n) hem bekinde volcomelic genoech gedaen sijnde Geloven(de) den/
voirs(creven) willem(me) inde voirs(creven) goede te houde(n) peislijc en(de) vredelijc zijne leef/
daghe lang en(de) alle belet oft hem ennich gebeurde af te doene/
It(em) es voirwerde dat de voirs(creven) wille(m) den chijs d(air) uut gaende/
te weten(e) thien en(de) eene(n) halfve(n) gr(ote) en(de) een half mol(evat) corne der/
mate(n) van thiene(n) jairlicx alsoe in tijts betale(n) sal dat d(air) af gheene/
schade en gebeure mair oft dair meer uutginghe soude(n) dat de/
gebruede(re)n moete(n) draghe(n) Ende want dit huys keurgoet es soe/
heeft gelooft de voirs(creven) wout(er) inde(n) name als voe(r) oft ennige(n) verschen(en)/
bynnen de(n) leven(e) des voirs(creven) willems dat hij dien drage(n) sal en(de) den/
selve(n) willem(me) en(de) de voirs(creven) goeden d(air) af ontheffen It(em) sal de voirscr(even)/
wille(m) de voirs(creven) goeden houde(n) in goede(n) state en(de) reparatie(n) van wa(n)de/
en(de) van dake alsoe en(de) gelijc een tochte(r) sculdich wa(r)e te doen(e) En(de)/
heeft gelooft de voirs(creven) wouter de(n) voirs(creven) janne sijne(n) brueder sijne(n) bruede(r)/
in dien te hebbe(n) soe wa(n)neer hij tot sijne(n) dage(n) come(n) sal sijn dat hij/
de(n) voirs(creven) willem(me) h(ier) af genoech doen sal tot sijnder maniss(en) p(ro)ut Item/
es voirweerde oft bynne(n) de(n) voirs(creven) tijde ennigh ooft boome(n) verdroechde(n)/
dat de voirs(creven) wille(m) die sal moege(n) uutdoen tot zijne(n) prouffijte mair/
sal d(air) voe(r) moete(n) sette(n) twee pote(n) vande(n) selve(n) arnde It(em) oft den/
voirs(creven) willem(me) op de voirs(creven) goede geliefde ennige ty(m)meri(n)ghe te/
doen make(n) nyeuwe soldere(n) oft doe(re)n dat sal hij moege(n) doen en(de)/
die laten dairt hem gelieft nae sijn doot des sal hij dout werck te(n)/
prouffijte vande(n) voirs(creven) gebruedere(n) moete(n) laten Cor(am) opp(endorp) naus(nidere) octobr(is)/
xxiii
ContributorsMi-Je Van Gils
Moderated byMi-Je Van Gils
Last update: 2018-06-13 by The Administrator