SAL7770, Act: R°15.1 (28 of 897)
Search Act
previous | next
Act R°15.1  
Act
Date: 1483-07-03

Transcription

2021-01-03 by Transkribus Software
Item katlijne van oucle weduwe henricx wilen de pape/
heeft met behoirliker manie(re)n uut hue(re)n brode gedaen janne/
de pape hue(re)n sone die zij behouden heeft vanden voirs(creven)/
wilen henricken Dat gedaen de selve jan de pape in/
yegenwordicheiden der scepen(en) van loven(e) gestaen heeft/
met consente der der selver zijnder moeder en(de) des/
peters vander hoeven als burgermeesters hier toe gebeden/
wantmen gheenen vrient nocht maegh van svaders wege(n)/
en vant oppembairlic gheapprobeert geratificert en(de) ghelaud(er)t/
en(de) mits desen laudeert en(de) ratificert alsulken zoene vand(er)/
doet des voirs(crevn) wilen henrix zijns vad(er)s bij gorde vander/
hart van live ter doot bracht dair af de zoene met/
allen solempniteiten gedaen was voir de wet te wiltsele/
En(de) als doen voir de selve zoene in recompense bij gheerde/
van breetzijp sone wilen symoens voir de selve wet bekint/
was eene rente van twee ryns guld(en) gelijc scepen(en) brieve/
van wiltsele vand(er) daet xiiii[c] lxxvi januarii xxv uutwisen/
Scelden(de) mits dien den voirs(creven) gorde en(de) allen ande(re)n dient aengaen/
mach vanden voirs(creven) dootslage op dat den vors(creven) janne de pape/
de voirs(creven) ii r(yns) guld(en) renten volghe en(de) bijden voirs(creven) gorde/
oft zijnen erfgenamen gheene ongebruyc gedaen en worde/
en(de) and(er)s niet volcomentlic quijt Geloven(de) den selven gorde/
opde condicie voirs(creven) en(de) oic woute(re)n en(de) mychiele de pape/
sijnen neve janne laureys en(de) henricke de coninc die/
momboirs inder zoenen genome(n) waren bijde vriende vand(en)/
zoender van hue(re)n bewinde dat zij in desen mogen/
hebben gehadt in wat manie(re)n dat zij ny(m)mermeer aen/
te spreken te moyen nocht te vexeren in gheenen recht/
gheestelijc nocht weerlic bij hem selven oft yemant and(er)s/
in gheender manie(re)n en(de) van des vors(creven) is tegen eenen/
yegeliken goet gerecht warant te zijne cor(am) roel(ants) hoeven/
julii iii
ContributorsMi-Je Van Gils
Moderated byMi-Je Van Gils
Add. 1
Date: 1485-01-30

Transcription

2021-01-03 by Transkribus Software
Desen brief vand(en)/
ii r(yns) g(ulden) es gea(n)nichi/
leert met co(n)sente/
ka(tli)[ne(n)] va(n) oucle jans/
de pape huers soens/
henr(ix) de coni(n)c en(de)/
jans laureys zijnder/
mo(m)boiren en(de) d(air)mede/
mette(n) pe(n)ni(n)ge(n) va(n)/
desen is gecocht een/
huyse dair jan inne /
gegoet es bij b(er)tel(meus)/
va(n) maelcote ja(nua)[rii]/
penult(ima) lxxxv
ContributorsMi-Je Van Gils
Moderated byMi-Je Van Gils
Last update: 2019-01-24 by The Administrator