Item cond zij allen lieden dat wout(er) troye in p(rese)ncia der scep(enen)/ van loeven(e) gestaen ghenomen heeft en bekindt genome(n) te/ hebbe(n) van gielijse van duffle als p(ro)cur(eur) jouffr(ouwe) senten van/ graven zijnder moeder thoff der selv(er) jouffr(ouwe) gelege(n) te velthe(m)/ mette(n) wynnen(de) lande(n) beempde(n) eeussele(n) en(de) allen ande(re)n zijne(r)/ toebehoirte(n) gelijc en(de) in alle der vuege(n) jan verhoechde(n) dat/ in pechtinge(n) gehoude(n) heeft Te houde(n) te hebbe(n) en(de) te wy(n)nen/ van half m(er)te naistcomen(de) eenen t(er)mijn van xii jai(r)en lang/ due(re)nde deen na dander eenp(er)lijc vervolgen(de) Elcx jairs/ dae(re)nbynne(n) voe(r) en(de) om de wynnen(de) lande tweendertig mudde(n)/ rocx [sesse mudde(n) t(er)wen en(de) (½) mudde ert(en) elcx grains] goet en(de) payabels met wa(n)ne en(de) vede(re)n wel bereit/ der mate(n) van loeven(e) alle jai(r)e ts(in)te andriesmisse apostels/ te betalen(e) en(de) te loeven(e) te leve(re)n Ende de beemde voe(r) en(de)/ om sesthien hollan(sche) gul(den) te xvi stuv(er)s tstuc iii pl(a)c(ken) ts den st(uver)/ tsinte m(er)tensmisse apl inden wynt(er) te betalen den voirs(creven) gielijse/ jairlicx den voirs(creven) t(er)mijn due(re)nde quoli(be)t ass(ecutu)[m] Met voirwerde(n)/ dat de wynne jairlicx leve(re)n sal int hoff vijftich bussele(n) pacht/ walms om die opde voirs(creven) huyse(n) schue(re)n en(de) stalle(n) te v(er)decken(e)/ En(de) soe wa(n)neer men die ald(air) verdect sal de voirs(creven) wy(n)ne den/ montcost betale(n) en(de) gielijs de dachue(re)n Desgelicx sal de wy(n)ne/ soe wa(n)neer men int voirs(creven) hoff ennighe rep(ar)atien doet den/ wercluden ald(air) wercken(de) den montcost gheve(n) en(de) gielis de/ dachue(re)n behalven van nieuwe(n) wercke dwelc gielijs alleen(e)/ drage(n) sal It(em) sulle(n) de voirs(creven) gielijs en(de) de wyn va(n) malcand(ere)n/ moege(n) scheide(n) te middele(n) [tijde] vand(en) t(er)mijne voirs(creven) op alsoe dat/ de ghene die scheide(n) wilt dat hij dat den ande(re)n sculdich sal/ zijn een half jair [te voe(re)n] te condige It(em) sal de wynne sculdich zijn/ te planten(e) opde goede vand(en) voirs(creven) hove viventwintich soe willige(n)/ alboeme(n) soe populie(re)n poten en(de) die wel verdoren(en) en(de) v(er)wae(re)n/ tot dat deselve opcome(n) sulle(n) zijn It(em) sal de wynne voirs(creven)/ voe(r) elc verdroeghde willige die hij afhouden sal sculdich sijn/ te setten(e) twee poten vand(en) selve sape It(em) sal de voirs(creven)/ / wyn ten gewoenlijken tijde sculdich zijn alle de grechte(n) en(de)/ wat(er)loepen aende goede vand(en) voirs(creven) hove liggen(de) te vagen/ en(de) te ruyme(n) sonder cost oft last des voirs(creven) gielijs It(em) sal de voirs(creven)/ wyn alle tstroe vand(en) voirs(creven) goeden comen(de) met sijne(n) beeste(n) ette(n)/ en(de) dat te meste bekee(re)n en(de) dat vue(re)n opde voirs(creven) lande en(de)/ op gheen ande(r) slants meeste(n) p(ro)ffijte en(de) die meeste(n) gelijcke(n)t/ zijne(n) eyghenen en(de) p(ro)pe(re)n landen oft bat Ende oft de selve/ wyn h(ier) inne gebreckelic bevonden wae(r) en(de) hem selve(n) oft zijn/ vordeel dair inne sochte dat sal hij sculdich zijn den voirs(creven) gielijse/ opte leggen(e) en(de) te betalen gelijck eertwynne(n) hen des/ verstaen(de) dat uutspreke(n) en estime(re)n sullen It(em) sal de voirs(creven)/ wyn sculdich zijn jairlicx te sayen opde voirs(creven) lande tot behoef/ gielijs voirs(creven) twee mol(evaten) lijsaets It sal de voirs(creven) wyn sculdich/ zijn te laten(e) de voirs(creven) lande tsijnen afscheiden(e) gelijc d hij die/ vant tsijne(n) aencomen Te weten(e) iii(½) [boenren] en(de) vijf vie(re)ndeel met/ t(er)wen besayet alle dande(r) met rogge de brake eens o(m)megedaen/ en(de) den somerarnt gestort desgelicx de beempden en(de) eeussele(n)/ wel vermaict [late(n)] gelijc hij die vant It(em) en sal de voirs(creven) wyn tsijne(n)/ leste(n) jai(r)e vand(en) voirs(creven) t(er)mijne gheen [stroe] oft mest uuten hove vue(re)n m(er)/ sal dat int selve hoff laten It(em) sal de voirs(creven) wyn sculdich/ sijn de huysinge(n) vand(en) voirs(creven) hove vander underster rijkelen neder/ wairt te houde(n) in goeden state wel en(de) loflic sonder cost des/ voirs(creven) gielijs It(em) sal de voirs(creven) wyn jairlicx soe wanneer gielijse/ believen [sal] sculdich zijn te doen(e) sesse corweyden met zijne(n) wagen(en)/ met iii oft iiii p(er)de van velthem te loeven(e) en(de) twee tot/ mechelen op dat den selven gielisse oic belieft It(em) sal de voirs(creven)/ wynne jairlicx moete(n) vue(re)n met zijne(n) wagen(en) en(de) p(er)den opde/ voirs(creven) lande dairt meest behoeft twintich voederen m(er)gelts/ behalven dat hij dien sal moegen halen tot zijnder moeyten/ It(em) sal de voirs(creven) gielijs den voirs(creven) wy(n)ne den m(er)gel die sij/ opde drie leste jai(r)en opde voirs(creven) lande leve(re)n sal moeten betalen/ opde cuyte It(em) sullen de voirs(creven) gielijs en(de) de wyn alle tfruyt/ jairlicx opde voirs(creven) goede wassen(de) gelijckelic deylen en(de) dat/ ter erden leve(re)n des sal de wyn gielijs heelicht te loeven(e) leve(re)n/ / It(em) sal de voirs wyn alle jai(r)e betalen alsulke(n) chijs als uute(n)/ geleege m(ar)grieten [roes] jairlicx gaet It(em) sal de voirs(creven) gielijs den/ voirs(creven) wynne jairlicx moete(n) gheven drie elken wullens/ lakens oft seven(en)twintich dair voe(r) It(em) sal noch de voirs(creven)/ gielijs den selven wy(n)ne i alle jaire na dat jans v(er)hoechden/ voirs(creven) t(er)mijn uut es gheven oft aen zijne(n) pacht cortte(n) twintich/ stuv(er)s des sal de wyn dair voe(r) coopen moete(n) alle jai(r)e xvi/ mandelen stroes om die int hoff voirs(creven) gebracht te meste/ bekeert en(de) opte voirs(creven) lande gevuert te sijne slants meeste(n)/ prouffijte sonder argelist en(de) dit opde pene vand(en) mesten(en)/ voirs(creven) Ende alle dese voirwerden (et)c(etera) Ende h(ier) af zijn borge(n)/ des voirs(creven) wy(n)nen als principael sculderen onbesund(er)t en(de) onv(er)/ scheiden en(de) elc voe(r) al jan troye zijn brueder en(de) gielijs/ vand(en) gasthuyse beyde woenen(de) te winxele et p(ri)mus cor(am)/ berghe naus(nidere) scabinis aprilis vii