Cond zij allen lieden dat willem van velthem sone willems va(n)/ velthem in p(rese)ntia heeft genome(n) en(de) bekindt genome(n) te hebben/ van henricke uut(er) heelicht geheete(n) vander borch thoff desselfs/ henricks mette(n) wynnen(de) lande(n) beempde(n) eeussele(n) en(de) alle(n) ande(re)n/ zijne(n) toebehoirte(n) gelege(n) te berchsem gelijckerwijs wout(er) troys en(de)/ barbele vander zut(er)weyde(n) sijn huysvr(ouw)[e] dat in pechtinge(n) gehoude(n)/ hebbe(n) Te houde(n) te hebbe(n) en(de) te wy(n)ne(n) van halfm(er)te naistcomen(de)/ eene(n) t(er)mijn van tweelff jae(re)n lang due(re)nde deen na dander/ sonder middel volgen(de) elcx jairs dae(re)nbynne(n) Te weten(e) de/ voirs(creven) wy(n)nen(de) lande opde heelicht vand(en) vruchte(n) opde selve/ lande jairlix wassen(de) ende de voirs(creven) beempde en(de) eeussele(n)/ voir en(de) om derthien clinck(ar)ts te xiiii stuv(er)s tstuc ii pl(a)c(ken) de(n)/ stuv(er) ts(in)te tmertensmisse te betale(n) den voirs(creven) henricke(n) alle jae(re)/ den voirs(creven) t(er)mijn due(re)nde quoli(be)t ass(ecutu)[m] Met voirwerde(n) dat de/ voirs(creven) wyn de voirs(creven) lande wel en(de) loflic wy(n)nen en(de) werve(n)/ sal gelijc regenoote(n) boven en(de) beneden Te weten(e) den wynt(er)art/ op vie(r) getijdige voe(re)n den somerarnt op drie en(de) die(n) laten/ tsijne(n) afscheide(n) gelijc hijse vinde(n) sal tzijne(n) aencomen(en) En(de)/ dat hij jairlicx dae(re)nbynne(n) hale(n) sal opden m(er)gelputte ald(aer) xii/ voeder m(er)gelts en(de) die opde voirs(creven) lande vue(re)n welken m(er)gel/ de voirs(creven) henrick alleen(e) opten putte betale(n) sal It(em) sal de voirs(creven)/ wyn jairlicx int voirs(creven) hoff leve(re)n dertich bussele(n) walme(re)/ om de huysinge dair mede te decken(e) en(de) alsmen die v(er)dect/ oft anders van ouden wercke aen(de) selve huysinge werct/ dair af sal de voirs(creven) wyn de wercluden den montcost geve(n)/ / en(de) de voirs(creven) henrick de dachue(re)n It(em) sal de voirs(creven) wyn de huysinge/ vand(en) voirs(creven) hove wel en(de) loflic houden op sijne(n) cost vander/ underst(er) rijkelen nederwairts Oick sal de voirs(creven) wyn jairlicx/ aldair ewat stroes oft mest coopen ofts van noode wae(r)/ om tvoirs(creven) lant mede te mesten dwelc hij en(de) henricke te/ gelijcke selen betalen bij alsoe dat de wyn henricke(n) ontbiede(n)/ sal goets tijts een hijt coopt It(em) sal de voirs(creven) wyn moege(n)/ truncken ten behoirlijken tijde alle trunchout opde voirs(creven)/ goede staen(de) behalven trunchout dat aende voerbeempde/ staet en(de) afhouwen alle verdroeghde willegen bij alsoe dat/ hij voe(r) elcke weder sal moete(n) setten twee leven(de) poten en(de)/ anders en sal hij gheen recht hebbe(n) int dopgaen(de) hout ende/ schaerhout Oick sal de voirs(creven) wyn jairlicx ald(aer) moege(n)/ besayen drie mol(evaten) lijsaets dwelc hij alleen(e) behouden/ sal bij alsoe dat hijs henricke(n) oic op dat hem gelieft jairlicx/ een mol(evat) besayen sal It(em) sal de voirs(creven) wyn ov(er)tijt op sijne(n)/ cost moete(n) houden en(de) ruyme(n) alle de beke(n) wat(er)loopen/ en(de) wege die de voirs(creven) goede sculdich zijn te houden(e) alsoe/ dat henricke gheen(e) schade d(aer) af en come It(em) alle doeft jairlicx/ opde voirs(creven) goede wassen(de) selen de wyn en(de) henrick hebben/ half en(de) half en(de) te gelijke coste t(er) erden leve(re)n En(de) alst/ gelesen es soe [sal] de wyn henricke(n) zijn heelicht te loeven(e)/ tzijne(n) huyse leve(re)n It(em) sal de voirs(creven) wyn alsmen als ald(aer)/ dersschen sal den derssche(r) die henrick sette(n) moet den mo(n)tcost/ gheve(n) gelijc den zijne(n) en(de) des sal de wyn de crinssen/ dair voe(r) hebben op dat henrick gelieft It(em) sal de voirs(creven)/ wyn oic ten huyse des voirs(creven) henricks te loeven(e) leve(re)n/ de heelicht vand(en) voirs(creven) vruchte(n) als die gedersschen es/ It(em) selen de voirs(creven) p(ar)tie(n) van malcande(re)n moege(n) scheiden ten/ yerste(n) sesse jai(r)en vand(en) voirs(creven) t(er)mijne bij alsoe dat de gheen(e)/ die scheyde(n) wilt dat de ande(re)n een jair te voe(re)n sal moete(n)/ condinge(n) En(de) alle (et)c(etera) en(de) h(ier) voe(r) zijn borge(n) des voirs(creven) wy(n)ne(n) ind(ivisim)/ wille(m) de vad(er) voirs(creven) en(de) wille(m) van holair Et p(rim)[(us)] cor(am) naus(nidere) tants ap(ri)l(is) xxvii