It(em) jan ghoten van mechelen die als principael met sek(ere)n zijne(n)/ borge(n) met scep(enen) brieven van loeven(e) vander daet octobris/ xix anno lxxxi bekinde thoemaese van oppendorp drien(de)/ dertich en(de) eene(n) halfve(n) gulde(n) leeuwe erffelic dair af hij/ alsdoen de selve zijn borge(n) geloefde schadeloes te ontheffen(e)/ in p(rese)ntia heeft meest(er) janne mota een vand(en) selve(n) borgen/ voe(r) hem en(de) ind(en) name der ande(r) medeborge(n) inde voirscr(even)/ brieve begrepen t(er) meerder sekerheit vander selv(er) geluften/ van ontheffen(e) en(de) den brieve ap(ar)t bijd(en) selve(n) janne ghote(n)/ zijne(n) borge(n) alsdoen bekint pantsgewise met rechte bij/ hande(n) jans marisses vorst(er)s in handen gestelt en(de) gelev(er)t/ de so(m)me van penni(n)ghen in div(er)se p(or)cheele(n) en(de) oick de silve(re)n/ juweelen hier nae bescreven Ierst in dowe stuv(er)s van/ ii(½) groote(n) vleemsch tweehondert sesthien rijnsch g(ulden) It(em) in/ karolus brasp(enningen) tsestich rijnsch g(ulden) It(em) in oude scot(er)s drie r(ijns)/ guld(en) It(em) in divers(en) noch seven(en)dertich stuv(er)s It(em) noch in/ paymente seve(n) rijnsch en(de) xvi st(uvers) in goude It(em) ind(en)/ yersten hondert lxxx goude(n) bair guld(en) rijnschg(ulden) tstuc/ te xxxi st(uvers) ge(re)kent vale(n)t ii[c] lxxix r(ins)g(ulden) te xx st(uvers) tstuc/ It(em) bourgoenssche g(ulden) guilhelmus schilden met eene(n) joh(ann)es/ scilde te xxxi(½) stuv(er)s tstuc ge(re)kent te weten negentich en(de)/ eene(n) joh(ann)es scilt valent ts(amen) hondert drien(de)dertich rijnschg(ulden)/ en(de) sesse stuv(er)s It(em) in saluyte(n) ducate(n) halve henricus/ nobelen It(em) xxxxii v(alent) tsamen vie(re)ntsestich r(ijns)g(ulden) Item in/ rijders hong(ar)sscheg(ulden) en(de) reale(n) tsame(n) negen(en)twintich te xli/ stuv(er)s ge(re)kent valent neghenvijftich rijnsch g(ulden) en(de) ix st(uvers)/ It(em) eenentwintich vranckerijchse crone(n) te xxxvi stuv(er)s/ tstuc v(alent) seven(en)dertich rijnsch gul(den) xvi stuv(er)s It(em) elff guld(en)/ leeuwe(n) te xx xlvii stuv(er)s ge(re)kent vale(n)t xxv rijnschg(ulden)/ xvii stuv(er)s It(em) veerthien postulatus gul(den) te xvii st(uvers) tstuc/ v(alent) xi rijnsch g(ulden) xviii st(uvers) It(em) in eduwairtssche nobele(n)/ vand(en) lesten slage vive en(de) eene(n) halfve(n) en(de) eene(n) inghele/ tstuc te xc stuv(er)s v(alent) xxvii st rijnsch g(ulden) xv st(uvers) It(em) tweelf/ nieu cron(en) mett(er) cron(en) sonne(n) te xxxvii stuv(er)s tstuc valent / tweeen(de)twintich rijnsch gulden(en) vier stuv(er)s It(em) onder pet(er)s/ ende gelresche rijders tsamen reghen(de) te xxvi stuv(er)s tstuc/ valent elf rijnsch g(ulden) en(de) xiii st(uvers) It(em) seven utrechsche/ gulden(en) te xxviii stuv(er)s tstuc valent neghen rijnschg(ulden)/ en(de) xvi stuv(er)s Item sesse ph(ilipp)us clinckairden te xxvi st(uvers)/ tstuc valent sesse rijnschgul(den) xii st(uvers) It(em) twee/ ynghelssche nobele(n) te lxxx stuv(er)s tstuc v(alent) acht rijnsch/ gulden(en) It(em) vier beyers gul(den) voe(r) vier rijnsch gul(den)/ Item vijf schale(n) sesse croesen al niet vergulden(en) boirden/ en(de) tweelf lepele(n) met eyndeken(en) vergult wegen(de) tsame(n)/ acht merct en(de) drie ons(en) It(em) vier schale(n) wegen(de) tsam(en)/ vier m(er)ct scaers It(em) twee schale(n) elcke van sesse onsen/ It sesse croesen met eenen wat(er)potte wegen(de) tsame(n)/ mette(n) sesse schale(n) en(de) sesse croesen neghen m(er)ct vijf/ oncen en(de) een(en) halfve It(em) vier schale(n) tstuc van eene(n)/ m(er)cte It(em) tweelff lepele(n) eene hoogh(er) ov(er)decten croes/ eene wat(er)pot wegen(de) tsame(n) mette(n) voirs(creven) vier schalen/ acht maercte en(de) eene once Te dier meyni(n)ge(n) dat de/ voirs(creven) meest(er) jan talle(n) tijden alst hem gelieft en(de) oic als hij/ des vand(en) ande(re)n zijne(n) medeborge(n) versocht sal sijn hem/ metten selve(n) penin(n)ge(n) en(de) oick met vercoope d(er) silve(re)n/ juweele(n) sal moege(n) behulpe(n) om gelost te zijne vander/ voirs(creven) borchtocht met alle coste(n) die hij oft dande(r) medeborge(n)/ dair om geleden sulle(n) hebben oft int vervolge(n) d(er) selv(er)/ noch lijden sulle(n) zij wae(re)n van rechte oft ande(re) Ende des/ sulle(n) zij geloeft zijn met bij heu(r)en sympele(n) woirde(n)/ sonder eedt oft ande(r) proeve dair om te derve(n) doen/ behalve datmen dat den voirs(creven) janne gote(n) sculdich sal sijn/ acht dage(n) oft xiiii nacht te voe(re)n te condighen En(de) de/ voirs(creven) erfrente bijde(n) voirs(creven) janne ghote(n) oft de zijne gelost/ en afgequete(n) met alle coste(n) die de voirs(creven) borge(n) dair am om/ alsdan geleden souden moege(n) hebben zal de voirs(creven) meest(er)/ jan gehoude(n) en(de) sculdich zijn den voirs(creven) janne oft zijn actie/ hebben(de) de selve silve(re) juweele(n) en(de) oic de pe(n)ni(n)ghe te r(e)stitue(re)n/ / Ende de voirs(creven) rente bijden voirs(creven) janne ghoten oft bijde(n) borge(n)/ gelost en gequete(n) gelijck voirs(creven) es sulle(n) de voirs(creven) meester/ jan en(de) oick de mo(m)boirs vand(en) kinde(re)n jans wile(n) goeder/ tuys sculdich zijn te transporte(re)n en(de) ov(er)te goeden(e) alsulken/ recht en(de) actie als zij oft ennich van hen hebben In alsulke(n)/ rente van xxxiiii nobelen erffelic op zeke(re) goede(n) geheete(n)/ van wilre te campenhout gelege(n) die zij voe(r) de lossinge/ der voirs(creven) rente oic in hand(en) hebbe(n) den ghene(n) dient her/ janne van steyne(n)mole(n) prieste(r) donaet van sinte m(er)tens/ te loeven(e) alsdan gelieve(n) sal met consente altoes des voirs(creven)/ jans ghote(n) En(de) oft de voirs(creven) jan goten aflivich wordde salme(n)/ die overgoeden den ghenen dient den voirs(creven) h(ere)n janne van/ steynenmoele(n) alleene gelieve(n) sal En(de) oft de voirs(creven) pe(n)ni(n)ghe/ en(de) oick de silve(re) juweele(n) niet goetgenoech en wae(re)n voe(r)/ de lossinge der voirs(creven) rente(n) soe sal de voirs(creven) jan ghoten/ dat sculdich zijn op te rechten(e) en(de) oft die beter waren/ salme(n) dat den voirs(creven) janne gote(n) oft zijn actie [hebben(de)] bove(n) alle/ coste(n) en(de) co(m)mer wederkee(re)n Dwelc al de voirs(creven) jan gote(n)/ ter eenre en(de) meest(er) jan mota henrick willems ende/ jacop eveloege als momboirs der voirs(creven) kinde(re)n jans wile(n)/ goedertuys aldus geconsenteert hebbe(n) en(de) geloeft tonder/ houden en te voldoen(e) Omnes renu(n)cian(tes) p(rivilegii) coram/ b(er)ge nausnijde(re) maii xviii