SAL7770, Act: R°452.1 (850 of 887)
Search Act
previous | next
Act R°452.1  
Act

Transcription

2019-11-11 by Transkribus Software
H(er) hubrecht van balen prieste(r) p(er)soen der kerken vanden beghijnhove/
te diest doet gebieden inden name en(de) van wege(n) der fabriken der/
kerke(n) vors(creven) de goede hier na bescreve(n) Inden yersten iii boend(er) lants/
geheten ansenbroec luttel min oft meer gelege(n) inde p(ro)chie van hale(n) tussche(n)/
velpen en(de) hale(n) tussche(n) de goede henrics van meerhout van diest en(de) de goede/
willems van ru(m)men strekende mette(n) understen eynde opte velpe, en(de)/
mette(n) ov(er)sten eynde tot der straten aldair It(em) een half boend(er) lants/
oec luttel min oft meer gelege(n) inde voirs(creven) p(ro)chie van hale(n) opt ruyss(er)mole(n)velt/
tussche(n) de goede des vors(creven) willems van ru(m)men en(de) de goede jorijs van/
velpen. Dair af de vors(creven) h(er) hubrecht inden name en(de) tot behoef d(er) fabrike(n)/
vors(creven) goedinge ontfaen heeft voe(r) meye(r) en(de) scepen(en) van loeve(n) van/
janne vand(er) monicke(n) van bloeme(n)dael die na de(n) recht d(er) stat van loeven/
tot de(n) goeden jans van hex van hale(n) come(n) en(de) geleidt was te dien/
eynde (et)c(etera) hier af sijn de drie gebode gedaen Te wete(n) dyerste gebot/
d(aer) aff des sondaighs xii daghe in novembr(is) int jae(r) ons he(re)n m cccc/
en(de) dertich p(rtese)ntib(us) bald(uino) de g(ra)vio goess(uino) ouderogghe scab(inis) lovan(iensibus)/
Dand(er) gebot d(aer) af des sondaighs ov(er) xiiii nacht d(aer) naist volgende/
p(rese)ntib(us) judovico absoloens (et) dyonisio boys scab(in)is lovan(iensibus) Tderde gebot/
d(aer) af des sondaighs ov(er) xiiii nacht d(aer) na sond(er) myddel volgende p(rese)nt(ibus)/
judoco absoloens (et) goess(uino) ouderogghe scabinis lovan(iensibus)
Contributorskristiaan magnus
Moderated bykristiaan magnus
Last update: 2018-06-13 by The Administrator