Her henric rumelants canonic regulier des godshuys van onser/ vrouwen throen bi grobbendonc doet gebieden inden name en(de) van wege(n)/ des voirs(creven) godshuys de goede en(de) erfpacht hier na bescreve(n) Inden yersten een/ stuck beemds houdende iii(½) dachmael luttel min oft meer gelege(n) inde p(ro)chie/ van ned(er)lynthre opte ghete aldair inde beemde geheten gheetbroec tussche(n)/ de goede ots van halle en(de) de goede willems van kermpt Ite(m) thien/ mudde rogs der maten van thienen erfs pachts die tvors(creven) godshuys heeft en(de)/ houdende heeft is aen en(de) op seke(r) goede en(de) pande de houdende zijn wout(er)/ henric willem en(de) gheert weer gebruede(re)n willem stichghelmans ende/ jan van mechele(n) hae(r) zwaghers inde p(ro)chie vander nuwer capellen ende/ dair omtrent gelegen ghelijc de vors(creven) brueder henric inden name en(de)/ tot behoef des voirs(creven) godshuys de voirs(creven) goede en(de) erfpacht v(er)cregen heeft/ jeghen janne van daelhem soen willems wilen van daelhem en(de) goedinge/ d(aer) af ontfaen voer meye(r) ende scepen(en) van loeven van henricke vander/ elst die na den recht d(er) stat van loeven tot allen den goeden des/ voirs(creven) jans van daelhem comen en(de) geleydt was Hier af sijn de drie/ gebode gedaen te weten dyerste gebot d(aer) af des sondaeghs drie/ daghe in decembri int jae(r) ons he(re)n m cccc en(de) xxx p(rese)ntib(us) bald(uino)/ de g(ra)vio (et) goess(uino) auderogghe scabinis lov(aniensibus) Dand(er) gebot d(aer) af des/ sondaeghs ov(er) xiiii nacht d(aer) naest volgende p(rese)ntibus goess(uino) ouderogge/ dyonisio boys scabinis lov(aniensibus) Tderde gebot d(aer) af des sondaeghs ov(er)/ xiiii nacht d(aer) naist volgende p(rese)nt(ibus) iamd(i)c(t)is ouderogge boys scab(inis) lovan(iensibus)