Alsoe als ten v(er)volghe wout(er)s vloechs alse geleyd na des(er) stad/ recht voer sijn wettich gebrec tot allen den goeden beyde have/ en(de) erve henricx wilen van velmen en(de) he(re)n henricx van/ velmen priest(er)s sijns soens te wat plaetssen die gelegen/ sijn gescreve(n) es geweest den meye(r) van sichnen oft sijne(n)/ stadhoude(r) hem de selve goede te leve(re)n en(de) peysselic te/ doen volghen Ende oft de voirs(creven) h(er) henric h(er) stas priest(er)/ mathijs en(de) arnt van velmen gebruede(re)n marie en(de) heylwijch/ van velmen hue(r) suste(re)n ende merten vrancken wettich man/ der selv(er) heylwigen oft yemant and(er)s daer teghen yet seggen/ oft allege(re)n wilden dat sij des quame(n) tot eene(n) gelegen(en)/ daghe mits v(er)striken van genechte(n) op heden dienen(de) alh(ier)/ inde banc voer meye(r) en(de) scepen(en) van loven(e) int recht gelijc/ de v(er)suecbrieve(n) dat naerd(er) inhoude(n) en(de) begrijpen Ende/ want de voirs(creven) p(er)sonen noch nyemant van hue(re)n weghen/ op heden te rechte niet comen en sijn ende willem de/ wynne geheete(n) van schoe(re) als procur(eur) des voirscr(even)/ wout(er)s compare(re)nde en(de) trecht voirt versuekende Soe/ hebben de scepen(en) van loven(e) yerst aengehoirt pauwelse/ bierman bode der stad van loven(e) die cleerde bij sijnen/ eede dat de voirs(creven) meye(r) dexecucie navolgen(de) den voirs(creven)/ scriven(e) gedaen hadde en(de) p(ar)tijen dach bescheiden ter/ manissen smeyers gewijst voer een vo(n)nisse soe v(er)re/ des voirs(creven) geleydde wed(er)p(ar)tije niet en quame ten opstane/ smeyers en(de) van hen scepen(en) datmen hem dan vande(n)/ voirs(creven) goeden houden sal in sijne(n) beleide tot sijnen/ wettigen gebreken behoef alsoe v(er)re alst noch voer/ hen scepen(en) comen es cor(am) om(n)ibus scab(inis) dempto/ pynnoc aug(usti) xxviii