Compa(rer)ende voir de rade vande vander stad her robbeert lonijs/ priester aenleggher ter eender zijden ende kathelijnen lonijs/ docht(er) wijlen jans brueders doen hij leefde des voirs(creven)/ her robberts ter ande(re) beghe(re)nde en(de) versocht de voirs(creven) h(er) robbeert/ dat hem op redelike caucie en(de) borchtocht die hij p(rese)nteerde/ te stellen tot eenen seke(re)n cortten gelegen(en) daghe weder/ te bringen(e) in sijnen handen gelevert werdden drie brieven/ den eenen onder den seghel der scepen(en) van cumptich vander/ daet m cccc ende xxxii op s(in)[t] bert(e)l(meus) dach den ande(re)n onder den/ selven segel vander daet m cccc en(de) xxxiii xviii daghe in/ januar(io) en(de) den derden onder vijf segelen van scouth(eit) ende/ mannen van leene des he(r)en sabts van s(in)[t] corniel(ijs) mu(n)ster opte(n)/ ynden in zijnen hove te cumptich vander daet m cccc en(de)/ xxxiiii inde maent van junio opte sesten dach oft e(m)mers/ ten mi(n)sten certificacie oft copie auctentijc dair uut om hem/ d(aer) mede te behulpen inder sake die hij heeft uutstaen(de) tegen/ willem de hane die hem seke(re) pachte(n) inde(n) voirs(creven) brieven/ begrepen ontkint Op welc versueck de voirs(creven) kathelijne/ontkint heeft geantwert seggen(de) dat huer van dien niet/ genoech en conde verwonde(re)n en(de) wa(r)e tselve versueck al/ ydel en(de) ongefondeert want men soude bevinden uut der/ condicien dair mede de voirs(creven) ende ande(re)n brieven zijn/ gesedt onder wet dat die niet en staen tot behoef des/ voirs(creven) h(er) robbeerts mair zijn alleene gesedt tot behoef/ van vrancke(n) wijlen van dieve(n) en(de) vand(en) voirs(creven) wijle(n)/ janne hue(er)n vader Oick soude men bevinden uut der/ deylingen gepasseert voir scepen(en) van loeven(e) tusschen/ den voirs(creven) h(er) robbeert en(de) wijlen janne hue(er)n vader/ dat den pacht op de goede des voirs(creven) willems de hane/ dair af de voirs(creven) brieven mencie make(n) den voirs(creven) wijlen
//
ja(n)ne huen vader in deylinige gevallen is huer des gedragen(de)/ tot den selven Bij welke(n) en ande(re)n reden(en) de voirs(creven) katlijne/ sustin(eren)de dat den voirs(creven) h(er) robbeerde gheene overleveringe/ copie noch certificacie gebue(re)n en soude te voirde(r)/ gemerct dat de voirs(cerven) h(er) robbe[e]rt haer aen hue(r)/ goede te cumptich te kerckem en(de) dair omtrint groot/ ongebruyc pijnde te doen(e) ende die hair voerete houden(de)/ dwelc hij noch meer soude moegen doen oft hij hue(r)/ brieven oft bescheyt dair af onder oft in handen/ hadde ende al mocht hij segghen dat hij de goede(n)/ uutghewonnen hadde en const hij dair omme huer brieve(n)/ niet uutgewinnen hue(r) des gedragen(de) tot den gheenen/ des nae gemeynen lant rechte wort onder houden/ Nietmin zij p(rese)nteerde he(m) soe verre dair e(n)nighe br(ie)[ve(n)]/ waren die ruerden vanden goeden den voirs(creven) her/ robbeerde in deylinghen ghevallen hen die op/ zijne gep(rese)nteerde caucie te laten volghen Es bijde/ rade vander stad notabelijc vergadert uutgesproke(n)/ ende get(er)mineert voir reden(en) en(de) voir recht v(er)o? Nae/ dien e(n)nighe gedeputeerde in notabile getale bijder/ stad geordineert geviseteert habben ter p(rese)ncien van/ p(ar)tien de voirs(creven) drie brieven ende oic de voirs(creven)/ deylinge ende dair af rappoirt gedaen dat de/ voirs(creven) her robbeert hebben soude op de voirs(creven) caucie/ den voirs(creven) yersten brief en(de) vanden ande(re)n waen/ tween is verdoelt ende hebben en soude noch copie/ noch certificacie dair uut in ple(n)[o] (con)s(ili)[o] septembr(is) xi