It(em) cornielijs diericx van leefdale [ter eender] en(de) katheline gherijs/ weduwe jans wilen vander haert [ter ande(r) zijde(n)] in p(rese)ncia hebben gekint/ en(de) gelijdt dat zij bij mynliken onderwijse va(n) hue(re)n vrie(n)den/ in beyden zijde(n) om te comen totten tractate vand(en) toecomen(de)/ huwelike die bijder gr(ati)en gods geschieden sal tusschen den/ voirs(creven) cornielijse en(de) katlijne geschieden sal overcomen/ en(de) eenswordden zijn der pointen en(de) condicien en(de) vorweerden h(ier)nae v(er)claert/ die zij malcande(re)n gelooft hebben malcande(re)n o(n)verbrekelijc/ te houden(e) en(de) te voldoen(e) En(de) ierst heeft de voirs(creven) denijs/ toecomen(de) bruydegom zijnder voirs(creven) toecomen(de) bruyt gelooft/ en(de) toegeseeght inde(n) gevalle oft de voirs(creven) cornielijs/ voir hue(r) aflivich wordde [sonder wettich oir van hue(r) te vercrige(n)] en(de) alsdan joes diericx zijn sone/ die hij heeft va(n) machtelden wilen sbleykers zijnder ierster/ huysvrouwen noch leven(de) wa(r)e dat alsdan de voirs(creven)/ toecomen(de) bruyt alle de haeflike goede die achter den/ selve(n) cornielijse bliven(de) terstont sal moegen ae(n)veerden/ oft dat de voirs(creven) joes zijn sone hue(r) alsdan dairvoe(r)/ terstont sculdich sal zij(n) uut te reycken en(de) te betalen/ xx r(ijns) gul(den) te lx pl(a)c(ken) tstuc En(de) dat zij dae(re)nbove(n)/ noch te huerweert trecken en(de) behouden sal alle de goede/ zij zij(n) erflijc oft haeflijc die zij met hem nu innebri(n)gen/ sal En(de) ter ande(r) zijde(n) oft de voirs(creven) ka(tli)[ne] voir hue(re)n/ toecomen(de) bruydegom aflivich woirde sonder wettich gebuerte/ soe sallen hue(r) naiste oiren alsdan zij(n)de de haeflike [en(de) erflike] goede/ die zij met he(m) innebracht sal hebben terstont ae(n)veerden/ soe v(er)re men die alsdan bevi(n)den sal en(de) niet voirde(r) It(em) vand(en)/ v(er)cregen(en) goeden die zij by(n)nen staen(de) huer(er) beyder huwelijc/ v(er)crigen sullen moege(n) die d(aer)af sullen zij blive(n) staen(de) opt lantrcht/ soe v(er)re zij same(n)tlijc d(aer)af anders met niet en ov(er)come(n) oft dispone(re)n/ cor(am) naus(nidere) tants oct(obris) xx