Compare(re)nde voe(r) de raide vander stadt (christ)iaen soenen die als/ poirte(r) metter stadt brieve(n) gescr(even) aende(n) schouthet van loemele/ hadde doen ontslaen zeke(re) sijn goeden ter eenre zijde(n) en(de) ja(n)ne lueke(n)s/ t(er) ande(re) die seyde dat tontrechte en(de) met quader sake(n) de voirscr(even)/ brieve(n) wae(re)n gheimpetreert wa(n)t de sake d(air) voe(r) hij op des voirs(creven)/(christ)iaens goede(n) hadde gevolgt was puer real spreken(de) va(n) thien/ halst(ere)n rogs erflijc voe(r) de welcke hij de goeden dair voe(r) verobli/ geert uutghewonne(n) hadde beghe(re)nde mids dien trenvoy Dair/ op de voirs(creven) (christ)iaen seyde dat hij bekinde de(n) voirs(creven) pacht sculdich/ te sijne en(de) dien p(rese)nteerde hij te betale(n) met eene(n) leeuwe alsoe/ de voirs(creven) jan dat hadde verlate(n) en(de) als vande(n) coste(n) was hj te vrede(n)/ te betale(n) soe verre die coste(n) van rechte wa(r)en Es get(er)mineert/ en(de) uutgesproke(n) bijde(n) raide vander stadt dat de voirs(creven) (christ)iaen/ betale(n) sal den voirs(creven) leeu en(de) dair mede vande(n) pachte gestaen en(de)/ als vande(n) coste(n) sal hij de voirs(creven) jan t(er) plaetse(n) van loemele die/ overgheve(n) en(de) die voirs(creven) (christ)iaen sal die gelove(n) met goede(n)/ borghe(n) onghepoirtert en(de) ongevrijdt te betale(n) alsoe die bid(er)/ wet van loemele sullen worde(n) getaxeert en(de) die borchtocht/ en(de) geloefte alsoe gedaen en(de) niet eer sulle(n) des voirs(creven) (christ)iaens/ goede(n) dair op wordde(n) ontslage(n) en(de) hem volge(n) in consilio/ octobr(is) xvii