Alsoe als ten vervolghe jans de mez geleydt sijnde nae des(er)/ stadt recht tot alle(n) den goede(n) beyde have en(de) erve jans wile(n)/ dusart en(de) mariens wile(n) de mez te wat plaetsen die gelege(n)/ zijn Gescr(even) es geweest met brieve(n) van des(er) stadt aend(en) maieu(r)/ de couvert li grond oft aen sijne(n) lieutenan(t) hem de selve goede/ te leve(re)n en(de) peislic te doen volge(n) en(de) oft lucie docht(er) des/ voirs(creven) wile(n) jans en(de) pet(er) de thilhou oft yeman(de) anders dair tege(n)/ yet segge(n) wilde dat zij des quame(n) alhier op hede(n) als ten/ naiste(n) verstreken(en) dage inde banc voe(r) meye(r) en(de) scepen(en) int recht/ ald(air) zij noch nyeman(de) van heure(n) wege(n) come(n) en es de(n) voirs(creven)/ geleydde(n) e compa(rer)ende en(de) trecht voirt versueken(de) Soe hebbe(n)/ de scepen(en) va(n) loeven(e) yerst aengehoirt pauwele(n) bierman/ bode des(er) stadt van loeven(e) die cleerde bij sijne(n) ende dat de/ voirs(creven) meye(r) dexecutie navolgen(de) de(n) voirs(creven) scriven(e) gedaen hadde/ en(de) p(ar)tie(n) dach bescheiden ter maniss(en) smeyers gewijst voe(r)/ een vonnisse zoe verre des voirs(creven) geleidde(n) wederp(ar)tie(n) niet/ en quame(n) te(n) opstaen(e) smeyers en(de) van hen scepen(en) datmen/ hem dan vand(en) voirs(creven) goede(n) houde(n) sal in sijne(n) voirs(creven) beleide/ tot zijne(n) wettige(n) gebreke behoeft alsoe verre alst noch/ voe(r) hen scepen(en) comen es Cor(am) om(n)ibus scabinis dempto/ b(er)ghe januarii xiii