It(em) Cond zij allen lieden dat henrick vander marie(n) sone wile(n)/ lodewijcks woenen(de) toesterhem inde(n) hove pet(er)s vrancx ende jan/ van breetzijp sone wilen wilhems woenen(de) te wiltsele int hoff/ van borre(n) in p(rese)ntia hebben genome(n) en(de) bekindt genomen te/ hebben van meest(ere)n janne egghericx alse rentm(eeste)r en(de) p(ro)cur(eur)/ vande(n) godshuyse te wittevrouwen te loeven(e) ind(en) name en(de) va(n)/ wege(n) desselfs godshuys een boender beemps luttel min oft meer/ desselfs godshuys gelege(n) int dassenbroeck tussche(n) s(in)te g(er)truyden/ beempt in deen de strate aldair inde tweeste en(de) d(er) jouffr(ouwen)/ wile(n) skersmakers eeussel inde derde zijden gelijck(er) wijs henr(ic)/ van maelcote dat in pechtinge(n) gehoude(n) heeft Te houde(n) te/ hebbe(n) va(n) s(in)te m(er)tensmisse lestlede(n) eene(n) t(er)mijn van sesse jae(re)n/ lang due(re)nde deen na dand(er) eenp(ar)lic vervolgen(de) elcx jairs/ dae(re)nbynne(n) voe(r) en(de) om neghen schilde te xiiii stuv(er)s tstuc iii/ pl(a)c(ken) den stuver sinte mertensmisse voirs(creven) te betalen(e) den voirs(creven)/
//
godshuyse oft heu(r)en p(ro)cur(eur) den voirs(creven) t(er)mijn due(re)nde quoli(be)t ass(ecutu)[m]/ Met condicien dat de voirs(creven) henrick it(em) en(de) jan de grechten en(de)/ beken aldair staen(de) jairlicx ten gewoenlijke(n) tijde vagen en(de) ruy/ men sullen alsoe in tijts dat sgodshuys dair bij gheen(en) schade en/ lijde En(de) dese voirweerden (et)c(etera) Coram roelants tants m(ar)tii p(ri)ma