It(em) henrick coens van eegenhoven heeft versek(er)t machiele/ van hockezele en(de) geloeft op zijn lijf en(de) op zijn goet en(de) op/ zoenbreke te zijne dat hij ne(m)m(er)meer om gheenrehande saken/ oft stucken wille die geschiet moege(n) zijn tussche(n) den selve(n)/ henricke t(er) eenre en(de) machiele t(er) ande(r) zijd(en) den selven/ machiele vyantscap haytie noch wangonst drage(n) en sal/ noch de(n) selven moyen noch dage(n) buyte(n) lants oft eld(er)s oft oic/ te campe sueken oft eyssche(n) bij hem selven noch nieman(de)/ anders Bekynnen(de) oft hij tege(n) ennich van desen dade dat/ hij sal zijn soenbreke en(de) peisbreke en(de) dat hij d(air) aen ver/ beurt sal hebben zijn lijf en(de) goet Behalven oft hij hem/ yet eysschen wilt oft aenspreken dat hij dat doen mach/ met rechte coram hoeven burgim(a)g(ist)ro naus(nydere) tants/ martii viii