It(em) want de voirs(creven) henrick coirt en(de) anne sijn huysvr(ouw)[e]/ met rechte in heu(r)en hande(n) hebben de voirs(creven) goede des voirs(creven)/ wilen willems cas geheete(n) va(n) criecourt voe(r) gebreck der/ voirs(creven) twintich gulden rijders xxv clinckairts en(de) vijf/ mudde(n) rogs wav(er)s erflic Soe es voirwerde dat henr(ic)/ en(de) gehuyssche(n) te weten(e) goird en(de) zijn wijf de selve prouffijte(n)/ jairlicx dair af te gelijke trecken en(de) opbeu(r)en sulle(n) en(de)/ oft hen enige(n) stoot namaels dair af gedaen wordde oft/ dat derfgename(n) des voirs(creven) wilen willems enige rekeni(n)ge/ dair af met rechte beg(er)den te hebben dat zij d(aer) af malcande(re)n/ bijstaen sullen en(de) de coste(n) d(aer) af metgaders den last dair/ uutgaen(de) te gelijke dragen sonder arghelist cor(am) eisd(em)