It(em) allen (et)c(etera) doen condt dat jacop malevais bachelier ind(en) gheestelike(n)/ rechte(n) heeft getransporteert gecedert en(de) ov(er)gegeve(n) en(de) met des(er)/ transporteert ...cedeert en(de) ov(er)gheeft matheeuse malevays/ zijne(n) brueder de goede h(ier) nae bescr(creven) Ierst drie en(de) een half vie(re)n/ deelen lants en(de) xviii roeden lants strecken(de) oost en(de) west mette(n) oestynde/ tegen thoff toebehoiren(de) der weduwen en(de) aeldinge(n) van peter/ cortilke en(de) westynde tegen dlant nu ten tijde ervachtich is gielijs/ nendijns en de noort zijde tegen den selve(n) gielijs voirs(creven) en(de) de zuytsijde/ tegen de weduwe en(de) aeldinge(n) van pet(er) cortilke voirs(creven) gelijc dit/ gelege(n) es onder de heerlicheyt van ja(n)ne hee(re) van noert berkijn/ It(em) noch een p(or)ceel lants houden(de) een gemet en(de) een half vie(re)ndeel/ strecken(de) oost en(de) west mette(n) oosteynde jege(n) boudewijn svijnders/ lant mette(n) westeynde jege(n) (christ)iaen svijnders lant mett(er) zuytzijde/ jege(n) dlant van pet(er) quatlaus mett(er) noortzijde jege(n) de bijdinge/ van pet(er) cly(m)me(n) gelijc dit gelege(n) es onder hee(re)n ingelbrechte van/ adijnge(n) ridde(r) in zijnder heerlich(eit) vand(er) plassude dair op en(de) op/ elc besund(er)t behoirlijc met halme verthijden(de) om den voirs(creven)/ matheeuse dair mede te doen(e) zijne(n) vryen eygen(en) wille die/ te dispone(re)n te vercoope(n) te verthie(re)n te ypothice(re)n oft te belaste(n)/ met rente(n) erffelijc oft telive en(de) den coope(re)n dair af te doen(e)/ voe(r) de h(ere)n en(de) hoven d(aer) afmen die houden(de) es goede guedinghe/ en(de) vesticheit alsoe dat nae recht vand(er) plaets(en) dair die gelege(n)/ zijn behoi(r)en sal Geloven(de) de voirs(creven) jacop renu(n)cie(re)n (et)c(etera) opde verbin/ tenisse van alle(n) zijne(n) goeden jeg(enwoirdiche) en(de) toecomen(de) vercrege(n) en(de)/ / te vercrige(n) have en(de) erve soe wair die gelegen zijn oft bevonde(n) mochte(n)/ wordden dese teg(enwoirdige) cessie en(de) transport en(de) ov(er)gheven te houde(n) voe(r)/ goet vast gestentich onv(er)brekelic en(de) van werdden tot eeuwigen/ daghen voe(r) hem zijnen erven en(de) nacomelinghen en(de) in sulcker/ maten oft die geschiet waren voe(r) de h(ere)n en(de) hoven voirs(creven) en(de) nad(er)/ rechten vand(er) plaets(en) voirs(creven) desghelicx oick alle tgene des bijd(en)/ voirs(creven) matheeuse in des(er) voirts gedaen sal wordden in ennig(er)wijs/ het zij in vercoope(n) oft ypothequen Alsoe dat dat de(n) coope(re)n en(de)/ heu(r)en nacomelinge(n) tot eeuwigen dagen genoech sal moege(n) wese(n)/ des torcond(en) (et)c(etera) coram boxhoe(re)n hoeven burgim(a)g(ist)ris py(n)nock hove/ scabinis aprilis x[a]