Cont sij allen lieden dat goirt vander carnie(re)n wonen(de)/ opten blauwe(n)putte in p(rese)nc(ia) heeft genome(n) tegen goirde/ de kersmake(re) sone wilen claes elff dach(mael) lants myn/ xvi roeden gelegen opde loe in eene(n) stucke tussche(n) de/ goede goirts h(er)meys in deen zijde en(de) den goeden des voirs(creven)/ goirts de kersmake(re) in dande(re) Te houden te hebben en(de) te/ wynne(n) van half m(er)te dat was int jair van lxxvii eene(n)/ t(er)mijn van neghen ja(r)en deen na dande(r) sond(er) middel volgen(de)/ elcx jairs dae(re)n bynne(n) o(m)me en(de) voe(r) elc boend(er) soe v(er)re/ de mate strect drie mudden rogs en(de) een half goets/ en(de) payabel der maten van loven(e) [cu(m) va(n)no] wel bereyt sint/ andriesmesse ap(oste)ls te betalen(e) en(de) te loven(e) te leve(re)n den/ voirs(creven) goirde quol(ibe)t ass(ecutu)[m] Ende es vorw(eer)de dat de/ voirs(creven) wyn de voirs(creven) lande ten gewoenlike(n) tijde wynne(n)/ werve(n) en(de) mesten sal wel en(de) loflic gelijc regenooten/ bove(n) en(de) beneden en(de) tsijne(n) afscheyden sal hij die laten/ also hij die aenverde tsijnen incomen ter eertwynnen/pryse En(de) alle dese vorweerde(n) (et)c(etera) Met vorwerden wes/ men bevindt dat d(en) lande myn ware metten gezworen(en) lant/ meter dat dat cortten sal na aenenant berge hove aug(usti) xxv