Alsoe als ten v(er)volghe goirds bubbelee(re) geleydt zijnde/ na des(er) stad recht tot h allen den goeden have en(de)/ erve jans wijlen vand(en) putte te wat plaetsen die/ gelegen zijn gescr(even) es gwest aende(n) meye(r) van he(re)nt/ oft zijne(n) stadhoude(r) tot ned(er)ijssche hem de selve goede/ te leve(re)n en(de) die peysselijc te doen volgen ende oft/ jan vand(en) putte geheete(n) meerma(n) sone des voers(creven)/ wijle(n) jans oft yemants and(er)s d(aer) tegen yet seggen/wijlde wilde dat hij des quame op hede(n) alh(ier) inde/ banc voe(r) meye(r) en(de) scepen(en) van loeven(e) int recht gelijc/ de v(er)sueckbrieve dat voirde(r) uutwijsen en(de) begrijpen/ En(de) want de voers(creven) jan noch niemant van zijnen/ weegen op heden te rechte en comen sijn [is] den voirs(creven)/ geleyde(n) compare(re)nde en(de) yerst aengehoirt pauwelen/bierma(n) bode der stad van loven(e) die cleerde bij zijne(n)/eede trecht voirt v(er)sueken(de) soe hebben die scepen(en)/ van loeven(e) yerst aengehoirt pauwele(n) bierma(n) bode der/ stad van loeven(e) de cleerde bij zijne(n) eede dat de/ meye(r) voirs(creven) dexecutie navolgen(de) den voers(creven) scriven(e)/ gedaen hadde en(de) p(ar)tijen dach bescheyden t(er) maness(en)/ smeyers gewijst voe(r) een vo(n)ness(e) soe v(er)re des voers(creven)/ geleyde(n) wed(er)p(ar)tije niet en quame ten opstane smeyers/ en(de) van hen scepen(en) datmen hem dan vand(en) voers(creven)/ goede(n) houde(n) sal in zijne(n) voers(creven) beleyde tot zijne(n)/ wettighen gebreke behoef alsoe v(er)re alst noch voe(r) hen/ scepen(en) come es cor(am) opp(endorp) b(er)ge hove nausnyde(re) aug(usti) xxiii