Item inder saken van gescille die geweest heeft vore den/ raide vander stad tusschen mychiele de page aenlegge(r) ter/ eenre ende kaerlen gheerts verweerde(r) ter ande(r) zijden Om/ der diffamie(n) ende injureusen worden woordden die de selve/ kaerle op ende tegen den voirs(creven) mychiele uutgegeven hadde/ in dien dat de voirs(creven) kaerle hadde gesedt dat eene vinstre/ inde kercke van nederijssche opgebroken soude zijn des xiii[te]/ daicks van april lestleden dwelc was des ii[ste] sondaichs nae/ paesschen lestleden ende dat alsdoen uut eender lasten inder/ selver kercken staende ende opgebroken wordt toebehoiren(de) her/ romboute gheerts priester vader des voirs karels gestolen/ werde eene groote so(m)me van pe(n)ningen ende dat niemant en/ hadde die pe(n)ningen dan de voirs(creven) mychiel ende hadde/ dair af met meer injurieusen worden den voirs(creven) mychiele/ gediffameert ende van zijnder eere(n) beroeft Nochtan dat/ hij mychiel wel woude bewijsen dat hij dien nacht en(de) oyt/ seder tot den xiii[te(n)] dage van meye vervolgen(de) hadde geweest/ inder stad van thienen en(de) zijn ambacht ald(aer) gedaen en(de) hadde/ altijt gestaen soe hij noch dede tot goeder namen en(de) famen/ uutgenomen van des(er) bij kaerlen ende den sijnen uutgegeven/ dair uut hij uut den geva(n)genisse van ned(er)ijssche te loeven(e)/ inne gevuert is geweest en(de) tot scarper examinacie(n) gestelt/ dwelc hij alboet te thoenen(e) hopen(de) waer hij dat soude/ gedoen dat de voirs kaerle hem dat schuldich soude/ zijn te bete(re)n d(aer) af hij den hen hee(re) en(de) der stad sijne beter/ nisse ov(er)gaf en(de) scadeloes uut der hachten dair inne hij
//
noch was te lossen Es bijden raide vander stad getermineert/ ende uutgesproken den thoen in wed(er)ssijde gehoirt dat de/ voirs(creven) kaerle gehouden sal zijn mychiele te lossen uut den/ gevangenisse dair hij inne is ende te betalen(e) alle costen/ vanden gevangenisse ende ande(re) tot desen daige toe geschiet/ alsoe wel buyten als hier inder stad ende d(aer)entinden geloven/ in handen vanden borg(er)meester te voldoen(e) alsulcken bet(er)nisse als/ den raet vander stad hier af op hem termineren sal dwelc/ hij alsoe geloofde in (con)s(ili)[o] p(rese)ntibus liefkenrode subst(ituto) hove burg(imagistro)/ berghe hove nausnyde(re) scabinis graven berghe mercelis/ horst et pluribis aliis de (con)s(ili)[o] aug(usti) xiii