It(em) jan van bruessele en(de) marie vande(n) dale zijn wijf kathlijne vande(n)/ dale suster der voirs(creven) marie cu(m) tuto(r)e in p(rese)ntia hebben gelaudeert/ geratificeert en(de) geapprobeert en(de) mids dese(n) ratifice(re)n laude(re)n ende/ approbe(re)n alsulcke(n) guedinge en(de) vesticheit alse jan vande(n) dale en(de)/ margriete melters zijn huysvr(ouwe) vader en(de) moeder der voirs(creven) gesust(ere)n/ tande(re)n tijden voe(r) den rintmeest(er) van thienen en(de) eygenghenoote(n)/ ons gened(ichs) h(ere)n shertoge(n) gedaen hebbe(n) gheerde de weve(re) van eene(n)/ halve boender lants eygens gelege(n) tussche(n) willebringe(n) en(de) mi(n)g(er)loo/ bijde goede mijns h(ere)n van vileer spersoens goede va(n) nedervelpe en(de)/ lodewijcke(n) wile(n) uuter heelicht in drie zijde(n) Geloven(de) de selve gue/ dinghe goet vast gestentich en(de) van weerde(n) te houden(e) en(de) dair/ tegen ne(m)mermeer te come(n) oft te seggen(e) noch de(n) selve(n) gheerde oft/ zijne(n) naecomelinge(n) d(air) af ne(m)mermeer aen te spreken(e) te vexere(n)/ noch te moye(n) in gheene(n) rechte gheestelic noch weerlic bij he(n) selve(n)/ oft yeman(de) anders in ennig(er) manie(re)n Scelden(de) mids dese(n) volcomelic/ quijt alle alsulcke(n) recht p(ro)p(ri)eteyt en(de) actie alse de selve gesuste(re)n/ uut sake(n) vande(n) testame(n)te goirts wile(n) de melte(re) heurs oudervad(er)s/ ennichssins hebbe(n) mochte(n) inde selve goede Cor(am) hove tants octobr(is) xii[a]