Alsoe als ten v(er)volghe margriete drabbe weduwe jans/ wilen de becke(re) alse geleyd na des(er) stad recht voer/ haer wettigh gebrec tot allen den goeden beyde have/ en(de) erve jans wilen mo(m)marts te wat plaetsen die/ gelegen sijn Gescreve(n) es geweest den meye(r) va(n) stertbeke/ oft sijnen stadhoude(r) haer de selve goede te leve(re)n en(de)/ peysselic te doen volgen ende oft de weduwe des/ voirs(creven) wilen jans oft yemant and(er)s d(aer) tegen yet seggen/ wilde dat sij des quame op heden alh(ier) inde banc voer/ meye(r) en(de) scepen(en) va(n) loven(e) int recht gelijc de/ v(er)suecbrieve(n) dat naerd(er) uutwijsen en(de) begrijpe(n) Ende want/ de voirs(creven) weduwe mo(m)marts noch niemant van hae(re)n/ wegen op heden te rechte comen en es de voirs(creven)/ geleydde compare(re)nde en(de) trecht voirt v(er)suekende Soe/ hebben de scepen(en) van loven(e) yerst aenhoren(de) de resc(ri)pcie/ oft certificacie vanden voirs(creven) meye(r) dexecucie en(de) dachbescheide(n)
//
navolgen(de) den voirs(creven) scriven(e) bij hem geschiet te sijne/ t(er) manissen smeyers gewijst voer een vo(n)nisse Soe/ v(er)rre der voirs(creven) geleydd(er) wed(er)p(ar)tije niet en quame ten/ opstane smeyers en(de) van hen scepen(en) datmen huer/ dan vande(n) voirs(creven) goeden houden sal in sijnen [hue(re)n] voirs(creven)/ beleyde tot hae(re)n wettigen gebreke behoef alsoe v(er)re/ alst noch voer hen scepen(en) comen es cor(am) eisd(em)