It(em) raes van grave(n) sone wilen pet(er)s in p(rese)ncia heeft gekindt ende/ gelijdt voe(r) hem zijne(n) erfgename(n) en(de) nacomelinge(n) dat gielijs/ vande(n) meertshoven de jonge soone gielijs en(de) beatricx/ zijn wijf die gecocht en(de) vercrege(n) hebben tege(n) de erfgename(n)/ jans wile(n) willemair een huys mett(er) scaelgien dair acht(er) staen(de)/ strecken(de) acht(er)wert tot op de dyle aldair met eender came(re)n/ opde selve dyle gelege(n) inde wierinck tussche(n) de goede wile(n) arnts/ vander borch nunc jans vande(n) bossche t(er) eenre zijde(n) en(de) de goede(n)/ wile(n) arnts beyardt nu ter tijt robbijns van juect t(er) andere/ met gereede(n) penni(n)ge(n) en(de) met volle(n) pachte gelost en(de) afgequete(n)/ hebbe(n) vier gulden penni(n)ge(n) geheete(n) clinckairde(n) te xiiii stuv(er)s tstuc/ van dien seven clinckairde(n) erfliker rente(n) die hij hadde en(de)/ houden(de) was en(de) de voirs(creven) wile(n) peter zijn vader de sesse clinckarde(n)/ dair af den leste(n) dach septembr(is) anno lviii en(de) de voirs(creven) raes/ den seventste(n) clinckairt de(n) xvi[en] dach va(n) december a(nn)[o] lxxiii/ met scepen(en) brieve(n) van loeven(e) vande(n) date(n) voirs(creven) vercrege(n) hebbe(n)/ aen en(de) opde goede(n) voirs(creven) en(de) de goede(n) en(de) rente(n) navolgen(de) Ierst/ op onderhalve(n) stal onderhalf banck gelege(n) int vleeschuys te/ loeven(e) inde(n) reye ten scoenegge werts tussche(n) de(n) stal metter/ banck vrancx wile(n) willemair nu ter tijt [vacat]/ en(de) de goede symons wile(n) van thiene(n) nu t(er)tijt [vacat]/ Item op eene(n) gulden pet(er) erflic staen(de) op eene(n) stal mett(er) banck/ kathlijne(n) weduwe vrancx wile(n) willemair moeder des voirs(creven)/ wile(n) jans nu ter tijt [vacat] gelege(n) int voirs(creven)/ vleesthuys inde(n) reye te(r) drake wert tussche(n) de(n) stal wout(er)s wile(n)/ capellema(n) nu ter tijt [vacat] en(de) de goede/ vrancx wile(n) van thiene(n) nu t(er) tijt [vacat] / It(em) op twee crone(n) erflic op een ca(m)me geheete(n) de tessche mette(n)/ toebehoirte(n) gelege inde biestrate ov(er) de brugge ald(air) opde(n) hoeck/ vander donckerstrate en(de) op zeke(re) ande(re) goede d(air) voe(r) veroblig(eer)t/ Bekinnen(de) hem vande(n) afquiten(e) der voirs(creven) vie(r) clinckairde(n) volco/ melic genoech gedaen zijnde op de selve vie(r) clinckairde(n) met des(en)/ tot behoef der voirs(creven) gehuyssche(n) behoirlic met halme verthijden(de)/ en(de) renu(n)cie(re)nde Bekynnen(de) voirts met desen de voirs(creven) raes voe(r)/ hem zijne(n) erve(n) en(de) nacomelinge(n) dat de drie clinckairde(n) bliven(de)
//
die de voirs(creven) gehuyssche(n) geloeft hebbe(n) ten naiste(n) toecomen(de) valdaghe/ af te quijten met volle(n) pachte sulle(n) wordde(n) betaelt en(de) gelost/ inder lossinghe(n) en(de) betalinge(n) vande(n) pachte met vierthien stuv(er)s/ te iii pl(a)c(ken) tstuc voe(r) elcke(n) clinckairt en(de) dat voe(r) de drie clinck(air)ts/ van nu voirtain niet meer en sulle(n) blive(n) belast noch geypoticheert/ dan tvoirs(creven) huys mette(n) toebehoirte(n) en(de) sulle(n) de voirs(creven) onderhalf/ banc eene(n) pet(er) en(de) twee crone(n) erffelic d(air) af zijn en(de) bliven/ quijt vry en(de) ombelast alsoe dat de voirs(creven) raes noch zijne(n) erf/ gename(n) die drie clinckairts niet voirder dan opde tvoirs(creven) huys/ mette(n) toebehoirte(n) en sal moege(n) heyssche(n) noch verhale(n) en(de) niet/ opde voirs(creven) onderhalf banck eene(n) pet(er) en(de) twee crone(n) dair op/ hij halmelic heeft vertege(n) Ende te dier meyni(n)ghe(n) zijn de brieve(n)/ der voirs(creven) seve(n) clinckairts erflic geleet hier in des(er) came(re)n om/ den voirs(creven) rase d(air) mede te behulpen(e) tot der jairlichscher betalinge(n)/ der voirs(creven) drie clinckairde(n) op tvoirs(creven) huys mette(n) toebehoirte(n) en(de)/ meer noch voirde(r) Cor(am) nausnijde(re) tants octobr(is) xvi[a]