It(em) willem rellemans sone jans woenen(de) te thielt in p(rese)ntia/ heeft genomen en bekindt genomen te hebben tege(n) jacoppe/ wittema(n) vier boender lants paulo gelege(n) inde p(ro)chie van mo/ lenbeke en(de) dair omtre(n)t te houden van halfmerte nu lestleden/ eenen t(er)mijn van tweelf jai(r)en due(re)nde Behalven oft den/ wynne geliefde te sesse jai(r)en te scheiden(e) dat hij dat doen mach/ des sal hij dat sculdich zijn een half jair te voe(re)n te condigen/ elcx jairs dae(re)nby(n)nen om de heelicht vand(en) vruchte(n) dair op jair/ lijx wassen(de) En(de) als tcoren gedersschen sal zijn sal hij jacops heelicht/ sculdich zijn te loeven(e) leve(re)n It(em) sal jacop de twee ierste jair/sculdich zijn den voirs(creven) wynne te voirlieve gheven vie(re)ntwintich/ sacke duvenmest die de wynne sal moeten halen d(aer) hij die coope(n)/ sal It(em) sal de voirs(creven) wynne de voirs(creven) goede wynne(n) werven en(de)/ mesten wel en(de) loflic gelijck reghenoote(n) It(em) sal de wy(n)ne/ jairlijx moete(n) hoervruchten een dach(mael) braken en(de) tot dat/ zijne(n) prouffijte alleen(e) bekee(re)n des sal hij altoes tselve dach(mael)/ tallen vruchten wederom mesten Ende alle dese voirw(er)den (et)c(etera)/ coram eisdem