It(em) claes van boemale briede(r) in p(rese)ntia heeft versek(er)t willem(me)/ van waest geh(eten) moesien en(de) goirde van gheele janss(one) aut en(de)/ geloeft op zijn lijf en(de) op zijn goet en(de) op soenbreke te zijne/ dat hij ne(m)mermeer om gheenrehande sake(n) oft stucke(n) wille die/ geschiet moege(n) zijn tussche(n) hem en(de) t(er) eenre en(de) den voirs(creven)/ willem(me) en(de) goirde t(er) ande(r) zijde(n) den selve(n) willem(me) en(de) goirde/ vyantscap hatye noch wangonst drage(n) en sal noch de(n) selve(n)/ moyen noch dage(n) buyte(n) lants oft elders oft oic te ca(m)pe/ suecke(n) oft eyssche(n) bij hem selve(n) noch nieman(de) anders bekinnen(de)/ / oft hij teghen ennich van des(er) dade dat hij sal sijn soenbrek(e) en(de)/ peysbrek(e) en(de) dat hij dair aen verbeurt sal hebbe(n) zijn lijf/ en(de) goet Behalven oft hij hen eyssche(n) wilt oft aenspreke(n)/ dat hij dat doen mach met rechte coram hoeven burg(magistr)[o]/ berghe wants scabinis junii xxii