It(em) al eest dat de voirs(creven) guedinge aldus sympelijc geschiet/ es soe es nochtan vorweerde dat hijs niet en sal moegen/ v(er)coepen uuten gronde mair sal d(air) op moegen belasten om sijn/ schult d(air) mede te v(er)vallen Ende heeft de voirs(creven) lucas voirt/ geloeft dat hij sijn wijf en(de) kinde(re) nae de doot des voirs(creven)/ goirts sijns sweers gheen goede aenveerde(n) en selen noch/ deylen metten voirs(creven) kinde(re)n zij en selen tyerst tvoirs(creven) dach(mael)/ lants en(de) alsoe vele als hij d(air)op belast sal hebben oft/ dande(re) kinde(re) des voirs(creven) goirts en sullen elc yerst alsoe/ vele voe(r) uut getogen hebben als tvoirs(creven) dach(mael) lants ov(er)goet om/ sijn sculden d(air) hij nu inne es d(air)mede te v(er)vallen eisd(em)