Want collijn ronchijn als p(ro)cur(eur) willems dantijn als/ geleydt na des(er) stadt recht voe(r) zijn wettich gebreck/ uut crachte van scep(enen) brieve(n) van loeven(e) tot alle(n) den/ goede(n) beide have en(de) erve collijns wile(n) danijns soe/ wair die gelege(n) zijn hem met brieve(n) van des(er) stadt/ gescr(even) aenden bailluy van ha(n)nuyt oft zijne(n) stedehoud(er)/ alle de selve goede heeft doen leve(re)n en(de) collijne danijns/ sone des voirs(creven) wile(n) collijns dach van rechte alh(ier) te/ compare(re)n oft hij tege(n) de voirs(creven) leveri(n)ge yet hadde wille(n)/ allige(re)n oft de voirs(creven) scepen(en) brieve impugne(re)n heeft doen
//
bescheyden tot welcken daghe de voirs(creven) collijn danijns/ noch nieman(de) van zijne(n) wege(n) gecompareert en is/ den voirs(creven) geleydden altijt compa(rer)ende en(de) trecht voirt/ versuecken(de) zoe hebbe(n) de scep(enen) van loeven(e) t(er) maniss(en)/ smeyers na dat hen bij rescripte des voirs(creven) bailluys/ behoirlic heeft gebleke(n) de voirs(creven) leveringhe en(de) dach be/ scheidinghe bij hem geschiet te zijne gewese(n) voe(r) een/ vonnisse datme(n) den voirs(creven) geleidde(n) vand(en) voirs(creven) goede(n)/ houde(n) soude inde macht van zijne(n) beleide en(de) leve/ ringhe(n) voirs(creven) alsoe verre alst noch voe(r) hen scepen(en)/ come(n) is Coram eisdem