SAL7772, Act: R°4.2-V°4.1 (7 of 664)
Search Act
previous | next
Act R°4.2-V°4.1  
Act
Date: 1485-06-27

Transcription

2021-01-31 by Gerry Van Helmont
Cond zij allen luden dat dierick lebegge rentm(eeste)r ons/
gened(ichs) h(ere)n in des(er) zijnder stadt van loeven(e) in p(rese)n(ci)a heeft/
uutgegeven en(de) bekint uutgegeven te hebben jacope zom(er)s/
geheeten jeppe die dat alsoe tegen den selve(n) diericken/
bekint heeft genome(n) te hebben een hoff mette(n) huyse(n)/
hove(n) en(de) wynnen(de) lande(n) houden(de) tsame(n) omtre(n)t lxxxvii boend(ere)n/
alsoe dat gelege(n) teb es te gheete It(em) eene(n) beempt ge(legen)/
te fainbaix? It(em) een beempdeke(n) bijde flye? noch een/
de haye de bau It(em) den bog(ar)t vercrege(n) tege(n) henricke/
de preles It(em) noch een huys dair nu inne woent pet(er)/
van gathove(n) te houde(n) te hebbe(n) en(de) te wynne(n) vand(en)/
dage van hede(n) eene(n) t(er)mijn van nege(n) jai(r)en lang due(re)nde/
deen na dander [sonder] middel vervolgen(de) elcx jairs dae(re)nby(n)ne(n)/
om en(de) voe(r) twintich mudde(n) t(ar)wen en(de) eenen(de)tachtentich/
mudde(n) rocx elcx grains goet en(de) payabel v cu(m) va(nn)[o]/
mens(ur)e lovanien(sis) alle jai(r)e sint andriesmisse ap(oste)ls te/
betalen en(de) te gheete op steyne(n) huys des voirs(creven) rentm(eeste)rs/
te leve(re)n quoli(be)t ass(ecutu)[m] ende des sal de voirs(creven) wynne/
in afslage vand(en) voirs(creven) pachte jairlicx om gode geve(n)
//
een mudde t(ar)wen en(de) twee mudde(n) rogs de twee/
mudde(n) dair af dairt den rentm(eeste)r gelieve(n) sal te ordine(re)n/
en(de) dander [een] mudde dairt den wynne gelieve(n) sal/
[vacat]
Contributorsmyriam bols , Mi-Je Van Gils
Moderated bymyriam bols
Last update: 2018-06-13 by The Administrator