Cond zij alle(n) luden dat jan hers sone wile(n) jans woen(ende)/ terps in p(rese)ntia heeft genome(n) en(de) bekint genome(n)/ te hebben(e) van claese gielijs als p(ro)cur(eur) vrouwen/ kathlijne(n) absoloens weduwe h(ere)n jans wile(n) van/ ranshem ridders en(de) de selve claes bekint he(m) uutgeg(even) te hebben(e)
//
een hooff sonder de schue(r) mett(er) ca(m)men ketele cuype(n)/ en(de) alle(n) ande(re)n heu(r)en toebehoirten tott(er) selver ca(m)men/ behoiren(de) gelegen inde p(ro)chie van erps Te houde(n) te/ hebbe(n) en(de) in hueringe(n) te besitten eene(n) t(er)mijn van ix/ jai(r)en lang due(re)nde deen na dander sonder middel/ vervolgen(de) elcx jairs om en(de) voe(r) veerthien rijnsch/ gul(den) te tsestich pl(a)c(ken) tstuc alle jai(r)e te bamisse te bet(al)[en]/ der voirs(creven) vrouwe(n) oft heu(r)en p(ro)cur(eur) quoli(be)t ass(ecutu)[m] met/ voirweerde(n) dat de voirs(creven) jan de p(ar)ceelen tott(er) ca(m)men/ behoiren(de) tsijne(n) afscheiden(e) laten sal alsoe hij die nu/ met scatt(er)s aenveerde(n) sal It(em) sulle(n) de voirs(creven) p(ar)tien/ van malcande(re)n moege(n) scheyde(n) talle(n) drie ja(r)en/ behalve(n) dat zij dat deen den ande(re)n een half jair/ te vo(r)en cundige(n) sulle(n) It(em) sal de voirs(creven) vrouwe den/ voirs(creven) janne t(er) stont deughdelic in ge(re)den penni(n)gen/ leene(n) de so(m)me van twintich rijnsch g(ulden) inde weerde/ voirs(creven) die de voirs(creven) jan d(er) selv(er) vrouwe(n) oft heu(r)en/ p(ro)cur(eur) ten tijde sijnde gelooft met des(er) te betalen(e) tussche(n)/ dit en(de) bamisse anno lxxxvii naistcomen(de) t(am)q(uam) ass(ecutu)[m]/ en(de) h(ier) voe(r) es borge des voirs(creven) jans als p(ri)ncipael sculd(er)/ jan van ranshem sone wout(er)s van ranshem woenen(de)/ te loeven(e) ind(en) ham en(de) alle dese voirweerd(en) (etcetera)/ et p(ri)mus Coram berge vynck oct(obris) vi[a]