Vanden gedinge dat geweest heeft inde/ banc voir meye(r) en(de) s(in)[te] pet(er)sma(n)nen van/ loven(e) tusschen janne vanden nuwenhuyse/ aenlegge(r) ter eende(r) ende henricke vanden/ nuwenhuyse sijnen brued(er) s(in)te pet(er)sman van/ loven(e) ter ande(r) zijden om onderhalf mudde/ rogs lijfpens(ie) ten live desselfs jans dwelc/ hem in deylingen gevallen was tegen den/ selven henricke en(de) zijn ande(r) brued(er) ende/ susters en(de) hij boven zeke(re)n geluften hem/ in dier deylinge(n) gedaen vanden verliese/ te gelijke hulpen dragen en(de) ande(re) d(air)toe/ dienen(de) met rechte verloren hadde ind(er)/ stad van antw(er)pen met wel weten(en)/ des voirs(creven) henricx sijns brueders die dat/ niet en hadde hulpen verantweerden/ sustine(re)nde tsijnd(er) conclusien dat de selve henrick/ sculdich soude zijn hem van zijnen verliese inne/ te stane en(de) de v(er)loopen pachten te betalen/ e(m)mer van zijnen gedeelte en(de) advena(n)te te/ voirde(r) want hij vander deylingen ende geluften/ van malcande(re)n ter hant te stane vanden v(er)liese/ en(de) insgelijcx vanden selven v(er)liese p(rese)nteerde/ te doen blijken den rechte genoech zijnde/ op dat hem ontkint wordde D(air) tegen de/ voirs(creven) henrick hem v(er)antweerden(de) dede/ seggen datmen niet bevi(n)den en soude dat/ zijn brued(er) die rinte v(er)loren hadde met/ rechte ter plaetsen en(de) alsoe dat behoirde/ oft dat hij om dat te hulpen verantweerden/ met rechte geroepen hadde geweest hoe/ wel e(n)nige deylinge ende geluften van/ malcande(re)n ter hant te stane vanden v(er)liese/ gebuert mochten zijn tusschen hen ende alsoe
//
concludeerde hij der aenspraken ongehouden/ te zijne Es gewijst bijden hee(re)n s(in)[te] pet(er)s/ ma(n)nen van loven(e) ter manissen smeyers/ nae den thoen hier op bijden voirs(creven) janne/ d(air)toe gewijst sijnde geleydt die niet en/ dede blijken den voirs(creven) zijne(n) brued(er) behoirlijc/ totten verantw(er)den geroepen te hebben oft/ dat die sake bedingt ende verloren was/ ter plaetsen dair die rinte sorteerde mair/ bleec genoech dat jan selve als aenlegge(r)/ de sake tanw(er)pen hadde vervolgt ende/ verloren als voir o(m)behoirlijc gerichte Ende/ oic nae dien dat de voirs(creven) henrick hem/ p(rese)nteerde geliefde janne zijne(n) brueder te/ volgen(e) mette(n) scepen(en) brieven spreken(de) vand(en)/ i(½) mudde corens opde goede d(air) voi(r)e/ veroblig(er)t met en(de) nae der bancken/ recht dair die(n) zijn gelegen dat hij hem/ dair inne voir zijn aengedeelte ter hant/ staen sal ende dat hulpen v(er)volgen ende/ soe verre hijt dan verliest met rechte/ hem zijn aengedeelte opte leggen(e) ende te/ betalen(e) eve(n) verre de selve jan niet aen/ en neempt des voirs(creven) henricx p(rese)ntacie/ dat dan de selve henrick d(er) voirs(creven) ae(n)spraken/ ongehouden sal sijn in sca(m)pno Cor(am) pynnock/ borchove(n) oppe(n)dorp berghe udekem ho(m)i(ni)b[(us)]/ sancti petri julii v