Item al eist soe dat de voirs(creven) erfrinte den voirs(creven) [h(er)] goirde/ mede bekint es gelijc den voirs(creven) pete(re)n soe en salme(n)/ nochtan den voirs(creven) hee(re)n goirde noch zijne(n) naecomelinge(n)/ d(air)mede gheen behulp doen mair sal die alleen(e)/ volghen den voirs(creven) pete(re)n en(de) zijne(n) naecomelinge(n)/ besitte(re)n van eenen beempde houden(de) omtrint drie/ dach(malen) gelegen te holsbeke ter plaetsen geheeten ter/ eect tusschen de goede jans h(er)heyns geheeten sta/ melairt ter eende(r) en(de) henrick bastarts ter ande(r) zijde(n)/ comen(de) mette(n) eene(n) ynde aen tshee(re)n strate soe langhe/ de voirs(creven) peter en(de) zijn naecomelinge(n) den voirs(creven)/ beempt blive(n) behouden(de) en(de) besetten(de) en(de) betalen d(air)af/ jairlijcx den voirs(creven) hee(re)n gorde oft zijne(n) erfgenamen/ alsulken drie mudden corens en(de) i(½) gouden/ rinschgulden(e) erffelijck als de voirs(creven) h(er) gordt d(air)op/ heeft en(de) niet lange(r) En(de) dat mits dien wa(n)t de/ voirs(creven) erfrinte spruyten(de) co(m)pt uuyt saken van/ seke(re)n coope van houte staen(de) opden voirs(creven) bee(m)pt/ d(air)af den pa(n)t zee(r) gebloot wordt en(de) soe v(er)re de/ voirs(creven) peter oft zijne naecomelinge(n) vanden/ voirs(creven) beempde den vooirs(creven) bee(m)pt lieten ligghen
//
voir de voirs(ceven) drie mudden corens en(de) i(½) r(insch)guld(ene)/ erflijc en(de) m(ijn) hee(re) dien d(air) voi(r)e moest doen uuyt/ dagen dat alsdan de voirs(creven) erfrinte vand(er) halver/ croone(n) voirs(creven) den voirs(creven) h(er) goirde en(de) zijne(n) erfgename(n)/ mede volgen sal en(de) niet anders oft voirde(r) en/ salmen den voirs(creven) p(ar)tien hier mede behulp doen/ Behalve(n) oft de voirs(creven) rinte afgeleet wordde/ salmen de pe(n)ni(n)ge d(air)af comen(de) moete(n) stelle(n)/ opten wissel die ter stont ter selver natue(re)n/ weder sullen moete(n) aengeleet wordden en(de) te/ dyer meyni(n)gen sal den voirs(creven) brief blive(n) alhier/ onder scepen(en) En(de) es oic voirweerde oft de/ voirs(creven) sculde(re)n de voirs(creven) erfrinte afquete(n) tussche(n)/ dit en(de) meye dat zij alsdan d(air)af gheene(n) pacht/ gheven en sullen Cor(am) eisd(em)