It(em) valentijn van diest in p(rese)n(ci)a heeft gelooft anthoenijse/ edelhe(re) en(de) roelofve stats goet vast gestentich en(de) van weerde(n)/ te houden(e) alle alsulke(n) guedinge en(de) vestich(eit) als zij met/ b(ar)telmeuse wile(n) van diest en(de) lijsbett(en) van diest oem en(de)/ moye des voirs(creven) valentijns tande(re)n tijde(n) gedaen hebbe(n) te/ dordrecht van sek(ere)n goeden aldair gelege(n) die hen en(de) den/ voirs(creven) valentijne bleve(n) en(de) verstorve(n) zijn na de doot ka(tlij)[ne(n)]/ rijckairts van diest geloven(de) hen voirt uut sake(n) der selv(er)/ guedinge(n) ne(m)mermeer aen te spreken(e) te vexe(re)n noch te/ moyen in gheene(n) rechte gheestelic noch weerlic mair/ dat hij ald(air) t(er) stont trecke(n) sal en(de) gelijke guedinge doen/ den ghene(n) die dat behoeve(n) en(de) beghe(re)n sulle(n) bekennen(de)/ voirts zijn p(ar)t en(de) gedeelte vand(en) penni(n)ge(n) soe verre die/ dair af noch in heu(r)en hande(n) comen zijn van hen ontfange(n)/ te hebben(e) scelden(de) hen dair af volcomelic quijt P(ro)mitt(ens)/ null(a)t(en)us alloqui Coram scoenvorst nausnijde(re) sept(embris) v[a]