It(em) jan dyllen sone wile(n) jans woenen(de) te hakendovel in/ p(rese)n(ci)a he[e]ft gehuert en(de) bekint gehuert te hebbe(n) tegen/ janne vlas als p(ro)cur(eur) eerweerdige(n) vaders in gode m(ijns)/ h(ere)n des p(re)laets van vlierbeke de thiende des [die] godshuys/ van vlierbeke heeft te eleshem en(de) dair omtrent en(de)/ die de voirs(creven) jan met m(ar)griete(n) sgrote(n) tot noch toe gehoude(n)/ heeft te houde(n) en(de) te hebben van sintjansmisse bap(tis)[te(n)]/ lestleden eenen t(er)mijn van iii jai(r)en lang deen na dander/ sonder middel vervolgen(de) elcx jairs dae(re)nbynne(n) om en(de)/ voe(r) seventwintich mudde(n) co(r)ens d(er) mate(n) va(n) thienen bo(n)[e] (et)/ paga(bi)l(is) cum vanno (etcetera) alsulcx grains als vander thienden/ jairlicx come(n) sal alle jai(r)e ts(in)t andriesmisse ap(oste)ls te bet(al)[en]/ en(de) inder stadt van thienen dairt m(ijn) hee(re) oft zijne(n) p(ro)cur(eur)/ gelieve(n) sal te leve(re)n quoli(be)t ass(ecutu)[m] It(em) es voirweerde/ dat de voirs(creven) thiendene(r) jairlicx betale(n) sal in afslage vand(en)/ voirs(creven) xxvii mudde(n) alsulke(n) ii(½) mudde(n) als de capelle/ vand(en) bossche en(de) ii[½] mudde(n) als de tafle van overhespe(n)/ hebben opde voirs(creven) thiende alsoe in tijts dat m(ijn) voirs(creven) hee(re)/ dair bij gheene schade en geschiede It(em) es voirweerde/ dat de voirs(creven) thiendene(r) gheene sacht hebben en sal ind(en)/ raepsaet thiende mair sal die volge(n) en(de) toebehoiren m(ijn)/ voirs(creven) hee(re) en(de) sal de voirs(creven) thiendene(r) gehoude(n) zijn die te/ bediene(n) en(de) innen te halen en(de) den raepsaet die dair af/ come(n) sal te thiene(n) te leve(re)n dairt m(ijn) hee(re) gelieve(n) sal/ It(em) es voirweerde soe verre den voirs(creven) thiendene(r) ennighe/ schade geschiede bij tempeeste hagelslage oft ghemeynen/ orloeghe dat m(ijn) hee(re) hem dair af cortsel en(de) afslach/ doen sal gelijc ande(re) hee(re)n en(de) p(re)laten doen sulle(n) heu(r)en/ wynne(n) en(de) thiendene(re)n bove(n) en(de) beneden en(de) alle dese/ voirweerde(n) (etcetera) En(de) heeft voirt gelooft de voirs(creven) thiendene(r)/ dat hij t(er) maniss(en) van m(ijn) hee(re) oft van zijne(n) p(ro)cur(eur) hem/ setten sal voe(r) scep(enen) van loeven(e) eenen goeden borghe d(aer)/ voe(r) goet genoech zijnde coram nausnijde(re) vyncke/ julii iiii[a]