Acht(er)volgen(de) den vo(n)nisse maii xiii lestleden gegeve(n) tusschen/ henricke speelberch als aenlegge(r) ter eenre zijden ende/ mathijse weyns ter ande(re) heeft henrick speelberch den/ eedt gedaen dat mathijs tpeert d(air) questie om is gecocht/ hadde tegen hem om vier rinschguld(en) den welken alsoe/ gedaen zijnde heeft mathijs geallegeert dat henrick/ zijn eets niet volcomen es was mits dat hij vanden/ daghe van betalinge(n) niet v(er)mae(n)t en hadde nochtan/ hij d(air) af in zijnd(er) aenspraken geruert hadde en(de) bij geleet/ te thoenen(e) sustine(re)nde alsoe te hebben dage van betalinge(n)/ alsoe henrick die in zijnd(er) aensprake(n) bekint hadde d(air) tegen/ de voirs(creven) henrick de contrarie sustine(re)nde hoopte voldaen/ te hebben(e) wa(n)t tvo(n)nisse niet meer gegeve(n) en hadde hem/ des gedragen(de) totte(n) selve(n) Es bij scepen(en) van loven(e) ter/ manissen smeyers gewijst dat mathijs weyns met/ zijnd(er) calangie(n) verdoelt is in sca(m)pno eodem