Tvo(n)nisse tusschen janne hubens die henricx bricx/ poirte(r) van des(er) stadt te rechte betoge(n) hadde te/ bercheycke van seke(re)n saken d(air)af hen de voirs(creven) onse/ poirte(r) met brieve(n) van des(er) stadt hadde doen uuytscrive(n)/ ter eenre en(de) den voirs(creven) henricke onsen poirte(r) ter ande(r)/ zijden dair de voirs(creven) hubens mits eend(er) c(er)tificacie(n)/ der wet van bercheyck die hij alhier exhibeerde/ uuyt(er) welker bleec dat de voirs(creven) onse porte(r) mits/ non co(m)paricie(n) inde banc van bergheyck inden eysch/ des voirs(creven) jans hubens was geconde(m)pneert v(er)socht/ den voirs(creven) porte(r) te hebben(e) gere(n)voyeert ter plaetsen van/ bercheyck En(de) de voirs(creven) porte(r) de contrarie sustine(re)nde/ wa(n)t hij altijt zijn porterie hadde geallegeert en(de) niet/ willen te rechte comen elde(r) dan hier dair hij mits/ zijnd(er) vrijheit te rechte behoirt en(de) dair hij hem hadde/ uuytgescreve(n) en(de) men en soude niet bevi(n)den uuyt(er)/ c(er)tificacie(n) dat hij noyt dach van rechte tegen hen te/ bergheyck nam anders dan dat jan hubens die/ selve vorst(er) ald(air) es en(de) p(ar)tie in dese sake hem dach/ mocht hebben geteeke(n)t Es dat de voirs(creven) jan hubens/ met zijne(n) re(n)voye op ons(en) porte(r) verdoilt es mair/ gelieft hem den selve(n) onse(n) poirte(r) aen te spreken alhier/ inde banc int principael dat hij dat doen mach/ In sca(m)pno septe(m)br(is) xiiii