Vanden gedinge dat geweest heeft inde banc voir meye(re)/ en(de) scepen(en) van loven(e) tusschen daneele vand(er) rivie(re)n als/ p(ro)cur(eur) wouters van meerbeke aenleggers ter eend(er) zijden/ de weduwe reyners wilen gresken arnde vlaye ende/ janne beke als borghen des voirs(creven) wilen reyners verw(eer)de(re)n/ ter ande(r) zijden ald(air) de voirs(creven) ae(n)legge(re)n met zijne(n) geleverden/ voirsp(ra)ke dede seggen dat de voirs(creven) wout(er) hem tande(re)n/ tijden metten voirs(creven) wilen reyne(re)n en(de) als zijn borghe/ verloeft hadde met scepen(en) brieve(n) van loven(e) vand(er) daet xiiii[c]/ lxxxi m(ar)cii xi voir eene(n) rijd(er) lijftochten aen mathijse wilen/ claes en(de) m(ar)griete(n) meys zijnd(er) huysvr(ouwe) dat de selve wout(er)/ bedwonge(n) hadde geweest met brieve(n) van des(er) stadt/ gescreven aen den meye(re) van zichen(en) den voirs(creven) rijd(er) van drie/ ja(r)en verloepen gevallen en(de) v(er)schene(n) op te leggen ende te/ betalen dat d(air)nae de voirs(creven) wout(er) van meerbeke den voirs(creven)/ wilen reyne(re)n inde banck van thielt ae(n)gesproken heeft/ eysschen(de) richtinge en(de) betalinge te hebben(e) vanden drie/ rijders wa(n)t hij den voirs(creven) woute(re)n vand(er) voirs(creven) borchtocht/ hadde gelost geloeft scadeloes te houden en(de) te ontheffen/ D(air)inne soe v(er)re wert gep(ro)cedeert dat seke(re) hootvo(n)nisse/ d(air)inne wordden begrepen nae den welken de voirs(creven) wout(er)/ den voirs(creven) wilen reyne(re)n p(rese)nteerde wa(n)t dese sake hue(re)n/ oirspronck nam uuyt scepen(en) brieve(n) van loven(e) soe v(er)re/ de voirs(creven) wilen reyne(r) die sake ald(air) woude laten/ v(er)smelten en(de) dach van rechte neme(n) te comen(e)/ inde banck alhier en(de) van dien rechts plegen en(de)/ tgewijsde te voldoen(e) d(air) voi(r)e caucie en(de) borchtocht/ stelde Soe wair hij te vreden dat alsoe te achtervolgen/ dat de voirs(creven) wilen reyne(r) die p(rese)ntacie accepte(re)nde/ dach nam en(de) stelde te borghe de voirs(creven) twee/ p(er)sonen dat d(air)nae de voirs(creven) daneel als p(ro)cur(eur) voirs(creven)/ den voirs(creven) dach intimeerde der voirs(creven) weduwe(n) dat/ d(air)nae mits non co(m)paricie(n) der selver weduwen de/ voirs(creven) daneel huer te rechte betoech inde banck
//
van thielt voirs(creven) ald(air) zij nae vele rechtvorderinge/ dach nam alhier inde banc voirs(creven) alle welken/ pointe(n) voirs(creven) de voirs(creven) daneel p(rese)nteerde te/ thoene(n) soe verre hen die wordden ontkint hopen(de)/ voir zijne co(n)clusie die gethoe(n)t oft bekint dat de/ voirs(creven) weduwe die nae de doot van hue(r)en man/ inde hant wa(r)e gebleven en(de) oic de voirs(creven) twee/ p(er)sone(n) als borgen gehouden souden zijn de voirs(creven)/ drie ryders op te leggen en(de) te betalen ende des/ getrooste hij hem tot den vo(n)nisse en(de) totten rechte/ D(air) op de voirs(creven) verweerd(ers) met hue(re)n geleverden/ voirsp(ra)ke dede seggen dat huer vanden voirnemen(e)/ des voirs(creven) daneels in desen niet genoech en/ conde verwonde(re)n ontkynnen(de) den voirs(creven) daneele/ zijn bijgeleeden pointe(n) en(de) dat hij die ne(m)mermeer/ en soude conne(n) bethoene(n) anders luttel oft niet/ antw(er)den(de) dat der mate(r)i en mocht diene(n) Es/ gewesen met vo(n)nisse der hee(re)n scepen(en) van loven(e)/ ter maniss(en) smeyers nae dien de voirs(creven) daneel/ tot zijne(n) thoen(en) gewesen zijnde des genoech/ volcomen was dat de voirs(creven) verweerde(re)n gehoude(n)/ sullen sijn den voirs(creven) daneele inden name soe hij/ ageert opte lggen en(de) te betalen de pe(n)ni(n)gen/ dair questie om es in sca(m)pno coram o(mn)ibus/ scabinis dempto boxho(r)en septembr(is) xix