Condt zij allen lieden dat golijn vand(er) to(m)men/ sone wilen willems vand(er) to(m)men heeft genome(n)/ en(de) bekint genomen te hebben(e) van henricke
//
de keyse(re) als p(ro)cur(eur) vrouwen marien van mosmale/ wed(uw)[e] hee(re)n coenrarts wilen vand(er) meren ridd(er)s/ doctoirs in beeden rechten soe dat bleeck bij eend(er)/ p(ro)curacien voir scepen(en) ende wet van loven(e) d(air)op/ gemaict de goede hier nae bescreve(n) Te weten(e)/ vi(½) dach(mael) lants paulo geleg(en) inde p(ro)chie va(n) gry(m)b(er)g(en)/ inde hoeve des voirs(creven) golijns ae(n)den monick ald(air)/ en(de) dat la(n)t sal hij laten ten ynde va(n) zijne(n) jairscha(r)en/ naebescr(even) brake It(em) vii dach(mael) lants gelege(n) inde p(ro)chie/ en(de) hoeve voirs(creven) aen den lange(n) pale tussche(n) de/ goede des voirs(creven) golijns in alle(n) zijde(n) ende dit/ lant sal hij laten tot zijne(n) afsceyden(e) met wynt(er)/ stoppele(n) It(em) noch vii dach(mael) lants gelege(n) inde hoeve/ en(de) opt selve velt bijden lange(n) pale tussche(n)/ der kinde(re)n vand(er) to(m)men goede in alle(n) zijde(n) ende/ dit lant sal hij laten met even(en) stoppele(n) It(em)/ en(de) vii boend(er) lants gelege(n) inde selve p(ro)chie/ van grymb(er)gen opt priest(er)lindevelt tusschen de/ goede gielijs van gestel en(de) de goede reyners/ wijtvliet en(de) dit stuc sal hij laten in drie/ aerden gelijck hijt aenveerde(n)t sal [heeft] ten beghincsel/ van des(er) pechtinge(n) Te houden(e) te hebben(e) te wynnen(e)/ ende te besitten(e) van meye int jair van lestlede(n)/ eenen termijn van xii jai(r)en lang due(re)nde/ deen nae dand(er) sond(er) middel vervolgen(de) elcx/ jairs dae(re)bynne(n) of da(r)enbynnen om drientwintich en(de) eene(n)/ halve(n) sacken rogs en(de) een sist(er) erweten de nege(n)/ sacken d(air)af der maten van mechele(n) ende/ ald(air) inden goidshuyse van bethanie(n) en(de) de vierthien(e)/ en(de) eene(n) halve(n) sacken en(de) tsister erweten der/ maten van bruessel en(de) ald(air) op voir en(de) cost des/ voirs(creven) wynne(n) te leve(re)n altoes ts(in)[te] andriesmisse/ vallen(de) en(de) te kersmisse te betalen(e) quol(ibe)t/ ass(ecutu)[m] Met voirw(eer)den dat de voirs(creven) wynne
//
tvoirs(creven) lant bynne(n) den lesten drie jai(r)en/ wel ende lovelijc eens sal ov(er)mesten en(de)/ nyeman(de) anders dat sond(er) des voirs(creven) henricx/ consente v(er)hu(r)en noch bescaden Ende alle/ dese voirw(eer)den (et)c(etera) Cora(m) lyefke(n)rode hoeve(n)/ decembris penulti(m)a