It(em) henri bosquet sone wijlen jans woenen(de) te grave(n)/ in p(rese)ncia heeft genomen en(de) bekint genomen te hebben(e)/ van daneele boxhoren den jongen en(de) lodewijcke van/ schore voir hen selven en(de) als procur(eur)s der ande(re) huer(er)/ medeerfgename(n) jouffr(ouwen) jeha(n)nen wijlen van graven/ ierste medegesellinne wijlen jonch(e)r liebrechts van/ meldert meeste(re)n joese couckeroul en(de) arnde hanckairt/ als erfgename(n) qui(n)tens wijlen coukeroul alle alsulcke/ wynnen(de) lande bossche en(de) beempde alse gelegen zijn/ in div(er)sen stucken en(de) plaetsen inde p(ro)chien van/ capellen s(in)[te] laur(eys) grave(n) en(de) d(air)omtrint gelijc en(de)/ alsoe verre als ja(n)ne de masits die aldair lestwerf/ vand(er) voirs(creven) wijlen jonch(ere)n lyebrechte en(de) qui(n)ten(e) te/ pachte gehouden heeft voir ix mudde corens tsjaers/ Te houden te hebben en(de) te wynnen van half m(er)te/ naistcomen(de) eenen t(er)mijn van tweelf ja(r)en deen dande(r)/ sonder middel vervolgen(de) elcx jairs dae(re)nbynne(n) nae/ dat hij die twee ierste jair dair af hij niet geven/ en sal gehouden sal hebben voirtaen(e) om ende voe(r)/ vii(½) mudd(en) corens pag(abilis) cu(m) va(nn)[o] mensu(r)e lovan(iensis) jairlijx/ s(in)[te] andr(iesmiss)[e] ap(oste)ls te betalen(e) en(de) te loeven(e) te leve(re)n deen/ helicht dair af den voirs(creven) erfgename(n) jouffr(ouwen) jeha(n)ne(n)/ voirs(creven) en(de) vand(er) ander helicht de twee deele meester/ joese voirs(creven) en(de) tderde derdel vander selver helicht/ arnde voirs(creven) den voirs(creven) t(er)mijn due(re)nde quol(ibe)t ass(ecutu)[m]/ Behalven oft namaels met rechte bevonde wordde/ dat e(n)nige der voirs(creven) p(ar)tien d(air) inne voirde(r) oft n(iet)/ zoe diepe als voirs(creven) is gericht en wa(r)e datme(n) dien/ naevolgen sal deser pechtingen niet tegenstaen(de)/ It(em) sullen de voirs(creven) daneel lodewijc meester/ joes ende arndt elc voir zijn advena(n)t naden/ onderscheyde voirs(creven) ter stont den voirs(creven) wynne doe(n)/ volgen aen pete(re)n der kyesen allet stroe dat de
//
selve peter onderheeft en(de) gecomen is vand(er) vruchte(n)/ der voirs(creven) goede(n) soe verre zij dat van oft aen/ he(m) met rechte sullen conne(n) gecrigen in behulpe/ van meste op de voirs(creven) goede te doen(e) It(em) sal/ de voirs(creven) wynne de voirs(creven) land(en) wynne(n) werve(n)/ en(de) mesten wel en(de) loflijc sijne(n) t(er)mijn due(re)nde/ gelijc regenote(n) boven en(de) beneden elken arnt/ zoe hij behoirt It(em) want de voirs(creven) daneel en(de)/ lodewijc voir deen helicht en(de) meester joes/ voir de twee deele en(de) arnt voir tderdel vand(er)/ ander helicht geleent hebben oft lenen sullen den/ voirs(creven) wynne tot zijne(n) income(n) drie mudd(en) corens/ en(de) v mudde(n) even(en) der maten van loeven(e) soe heeft/ gelooft de selve wynne hen die weder te levere(n)/ en(de) te restitue(re)n elcken zijn advenant Te weten(e) een/ mudde corens en(de) een mudde even(en) dair af van s(in)[te]/ andr(iesmiss)[e] naistcomen(de) ov(er) twee jair bove(n) den pri(n)cipalen/ pacht en(de) van dan voirtaen(e) tallen s(in)[te] andr(iesmiss)[e] dair nae/ een mudde corens en(de) een mudde even(en) dair af tot/ dat al betaelt sal zijn It(em) sal de voirs(creven) wynne van/ half merte naistcomen(de) voirtaen(e) zijne(n) t(er)mijn due(re)nde/ jairlijcx bove(n) des voirs(creven) staet en(de) sonder afslaen drage(n)/ en(de) betalen alle chijsen en(de) co(m)me(re)n uute(n) goeden gaen(de)/ alsoe in tijts dat dair bij gheen schade d(air) op en gebuer(e)de/ en(de) ofter e(n)nige schade op gedaen wordde dat die wy(n)ne/ die tsijne(n) laste afdoen soude Ende alle dese vorw(eer)d(en)/ Cor(am) pynnock thenis ja(nua)[rii] v[ta]