Co(m)pare(re)nde voir den raide vand(er) stadt meest(er) jan de ruyssche/ en(de) jouffr(ouwe) lijsbeth roesarts zijn huysvrouwe en(de) jan de/ hont als p(ro)cur(eur) florijs kermans die nae staet der/ heilig(er) kercken wilen getruwet hadde jouffr(ouwe) barbele(n)/ roesarts sust(er) der voirs(creven) jouffr(ouwe) lijsbette(n) inden name/ vanden wettigen kinde(re)n die hij behoude(n) hadde vand(er)/ voirs(creven) zijnd(er) huysvrouwen en(de) oic inden name en(de)/ van wegen lyebrechts [vacat] en(de) jouffr(ouwe) katline(n)/ roesarts zijnd(er) huysvrouwe(n) ter eenre en(de) jouffr(ouwe)/ dorotheen hertsals weduwe des voirs(creven) wilen jans/ roesarts en(de) moed(er) der voirs(creven) gesuste(re)n jan roesarts hue(r) sone/ en(de) anthonijs lenarts man en(de) mo(m)boir jouffr(ouwe) jehanne(n)/ lobs zijnd(er) huysvrouwe(n) oic docht(er) der voirs(creven) jouffr(ouwe)/ dorotheen hertsals die zij heeft van meeste(re)n janne/ lobbe hue(re)n tweetsten man ter ande(r) zijden V(er)sochten/ de voirs(creven) yerste p(ar)tie dat de voirs(creven) jouffr(ouwe) de moed(er)/ bringe(n) soude onder wet alhier ond(er) hue(re)n eedt die zij/ d(air)af beg(eer)den alle alsulken brieve gebleve(n) acht(er) en(de)/ nae de doot jans wilen roesarts huers vaders om
//
die alhier te bliven tot behoef van eene(n) yegeliken recht/ d(air)toe hebben(de) Dair tegen de voirs(creven) moed(er) met hue(re)n/ adhe(re)nten seyde dat zij hadde div(er)se brieve(n) van div(er)sen/ goeden te weten(e) van leengoeden d(air)inne de voirs(creven) jan/ rosart alleen(e) sustineerde gericht te zijne en(de) oic van seke(re)n/ goeden gelegen ond(er) de iudicatu(r)e van nivele dair/ trecht sulc wa(r)e soe sij seyden dat de dochte(re)n aldair gheen/ recht en hadden inde erfgoede sustine(re)nde mits dien/ wa(n)t die twee alhier ter kynnesse(n) van rechte/ niet en behoi(r)en dat zij vand(en) brieve(n) van dien/ alhier ond(er) wet te bringen(e) ongehoude(n) souden blive(n)/ Oic hadde zij vele brieve(n) in hue(re)n wed(uw)[en] stoele en(de)/ d(air)nae v(er)cregen d(air) inne de voirs(creven) gesuste(re)n gheenssins en/ wa(r)en gericht mair vanden ande(re)n brieve(n) alhier ter/ iudicatu(r)en en(de) ter natu(r)en van desen lantrechte staen(de) p(rese)nteerde/ zij die te bringen(e) alhier behalve(n) hue(r) hue(re)r tocht Ende/ oic dat de voirs(creven) gesuste(re)n die oic e(n)nige brieve gehadt/ hadden in huweliker voirw(er)den die naemaels soude(n) behoi(r)en/ inne bracht te wordden oic van geliken daden D(air)op de/ voirs(creven) yerste p(ar)tie replice(re)nde seyden al en behoirde de/ kynnesse vanden goeden alhier niet dlantrecht wa(r)e/ nochtan sulc dat alle brieve hoedanich twa die wa(r)en/ sculdich sijn te comen(e) ond(er) wet tot behoef van eene(n)/ ygelijken recht d(air)toe hebben(de) behalve(n) altoes eene(n)/ yegelijken zijne(n) recht hen des gedragen(de) totten rechte/ met meer worden bij p(ar)tien in wed(er)zijde geallegeert/ Es bijden raide vand(er) stadt get(er)mineert ende uuyt/ gesproken dat de voirs(creven) jouffr(ouwe) sculdich sal zijn alle/ de brieve gebleve(n) achter den voirs(creven) wilen janne roesart/ ten tijde van zijnd(er) aflivich(eit) hoedanich die zijn bij/ eede te bringen(e) ond(er) wet om die alhier te bliven(e)/ tot behoef van eene(n) yegeliken recht d(air)toe hebben(de)/ behalve(n) eene(n) yegeliken zijne(n) rechte vanden goeden/ ter plaetsen dair dat behoirt In (con)s(ili)[o] opidi septe(m)br(is)/ xxii