Ind(er) saken van gescille geport voir den raide/ vand(er) stadt jan heyms ter eenre vrancken/ symoens ter ande(re) en(de) ernoul de puch ter derd(ere)/ ald(air) de voirs(creven) jan heyms dede segghen hoe hij/ gecocht hadde tegen den voirs(creven) ernoul seke(r)/ scaerhout van welken coope hij de pe(n)ni(n)gen/ gestelt heeft ond(er) wet ald(air) de goeden zijn/ gelegen tot behoef der voirs(creven) ii p(er)sone(n) oft ande(re)/ die hen d(air)toe recht mochten vermete(n) oft die/ die met rechte mochten v(er)meten oft die die/ met rechte mochten gecrigen Bove(n) den welken/ hij bijden voirs(creven) vrancke hier ind(er) stadt wa(r)e gehacht/ en(de) gehoude(n) tot zijne(n) groote(n) laste scaden en(de) v(er)driete/ bege(re)nde den voirs(creven) vrancken alsoe onderwesen/ oft bedwonge(n) te wordden dat hij met eend(er)/ betalinge(n) gestaen(de) uuyt(er) hachten wordde o(n)tslage(n)/ D(air)op de voirs(creven) vrancke seyde dat hij meynde/ nyeman(de) dan zijnd(er) docht(er) de pe(n)ni(n)gen vande(n)/ voirs(creven) bossche toe te behoi(r)en en(de) dat bij crachte/ van seke(re)n testame(n)te en(de) de voirs(creven) ernoul seyde/ dat nyeman(de) dan hem die toe en behoirden/ ov(er)mits en(de) bij crachte van seke(re)n vo(n)nisse oft/ decrete vanden officiael van luydick te loven/ resideren(de) Es getermineert dat de voirs(creven) jan heyms/ met eend(er) betalinge(n) behoirt en(de) sculdich es/ te staen(e) en(de) dat hij mits den setten(e) vande(n) pe(n)ni(n)gen/ de voirs(creven) vrancke gehoude(n) sal zijn hem vand(er)/ voirs(creven) hachten te ontslaen(e) Eisdem