Item es te weten(e) dat de voirs(creven) gelufte spruyten(de) compt/ alse voir dafleggen van eene(n) rinschguld(en) lijftochten die/ arnt de wigge(re) brued(er) des voirs(creven) lambrechts als principael/ en(de) de voirs(creven) lambrecht als zijn borghe den voirs(creven) goirde/ ten live zijnd(er) docht(er) sculdich es alsoe de voirs(creven) goirt seyde/ met scepen(en) brieve(n) van loven(e) Ende es vorw(er)de dat de/ voirs(creven) goirt den p(ri)ncipale(n) brief sal blive(n) houden(de) in wesen(e)/ totter tijt toe dat de voirs(creven) so(m)me geheel betaelt sal zijn/ behalve(n) dat hij hem d(air)mede niet en sal moegen/ behulpe(n) opden voirs(creven) lambrechte soe v(er)re lambrecht zijn/ dagen van betalinge(n) houdt mair sal hij hem vand(en)/ acht(er)stellen der selver lijfpens(ien) moegen behulpe(n) opden/ voirs(creven) arnde der voirs(creven) geluften niet tegenstaen(de) En(de)/ oft oic de voirs(creven) lambrecht gheen der voirs(creven) t(er)mijne(n)/ van betalinge(n) en hielt soe sal hem de voirs(creven) gort/ mette(n) p(ri)ncipale(n) brieve moegen behulpe(n) soe wel/ opden voirs(creven) lambrechte als opden voirs(creven) arnde Cor(am)/ eisd(em)/ It(em) allet des voirs(creven) es heeft de voirs(creven) la(m)brecht lijflijc ten heilige(n)/ geswo(r)en tonderhouden(e) en(de) te voldoen(e) eisd(em)

It(em) soe v(er)re gort mette(n) p(ri)ncipale(n) brieve(n) niet en doet bliken dat dlijf noch leeft soe sal desen brief te nyeute zijn