Alsoe als ten vervolghe jans de hont als p(ro)cur(eur) der/ weduwen henricx wilen vanden ynde geleydt zijnde/ uuyt crachte van scepen(en) brieve(n) van loven(e) tot alle den/ goeden beyde have en(de) erve jans vand(er) lane(n) en(de) zijnd(er)/ huysvrouwe(n) soe wair die gelegen sijn gescreve(n) es geweest/ met brieve(n) van des(er) stadt aen den meye(re) van wesemale/ oft zijne(n) stadhoude(re) tot duinberghe hem alle de selve goede/ te leve(re)n en(de) peyslijck te doen volghen ende den voirs(creven)/ gehuysschen oft zij tegen de voirs(creven) brieve(n) yet hadden/ willen allege(re)n dach van rechte op heden dyenen(de)/ alhier te co(m)pare(re)n voir meye(re) en(de) scepen(en) van loven(e)/ doen besceyden ald(air) de voirs(creven) gehuyssche(n) noch nyema(n)t/ van hue(re)n wegen en zijn geco(m)pareert den voirs(creven) p(ro)cur(eur)/ altijt co(m)pare(re)nde en(de) trecht voirt versueken(de) Soe hebbe(n)/ de scepen(en) van loven(e) yerst aengehoirt gielijse eveloege/ bode des(er) stadt van loven(e) die cleerde bij zijne(n)/ eede dat de stadhoude(r) smeyers van wesemale/ te dunberghe dexecucie en(de) exployt nae inhoudt/ vanden voirs(creven) brieve(n) gedaen hadde ter manissen/ smeyers gewesen voir een vo(n)nisse datme(n) den voirs(creven)/ p(ro)cur(eur) houden soude vand(en) voirs(creven) goeden inde macht/ van zijne(n) voirs(creven) beleyde tot zijne(n) wettige(n) gebreke/ behoef soe v(er)re alst noch voir hen scepen(en) comen/ es Cora(m) lyefke(n)rode hoeve(n) tybe thenis septe(m)br(is)/ xii