Allen den ghenen dien dese onse open(en) l(ette)ren sullen/ wordden gethoent ende bezundert den eerba(r)en wijsen/ en(de) zee(r) bescheyden(en) hee(re)n onsen sunderlingen vriende(n)/ den cooplieden vanden stapele der wollen bynne(n) der/ stede van callez borg(er)meeste(re)n scepen(en) ende rade der/ stede van loeven(e) gunstige groeten en(de) alle vrientscap/ doen uwen wijsheyde(n) ende elcken van u dien des/ nae bescreve(n) is aencleve(n) mochte te weten(e) alsoe/ als de neringe vander drapperien die hier inder/ stad zee(r) groot plach loop en(de) voirtganck te hebben/ eene lange wile leydere zee(r) vergaen is En(de) wij/ en(de) oic e(n)nige goede ma(n)nen onse gemi(n)de medeporte(re)n/ en(de) coopluden in meyni(n)gen zijn en(de) voirgenoome(n)/ hebben bijder gracien ende goedertie(re)nheyt gods te/ verrichten ende weder op te heffen de voirs(creven)/ neringe totten welcken principalijc behoeft van/ noode is en(de) wij in meyni(n)gen zijn seke(re) qua(n)titeyt/ van yngelscher wollen te gecrigen Dair o(m)me bij/ uwe weerdicheden nu comen (christ)iaen de nausnijde(re)/ onse medegeselle in rade en(de) ande(re) onse gemi(n)de/ coopluden en(de) medeporte(re)n geheeten peter rogier/ ende gielijs crol bringe(re)n van desen die in meyni(n)g(en)/ zijn nu eene qua(n)titeyt van wollen te coopen opde(n)/ stapel dair toe groote so(m)men van pe(n)ninge(n) soude(n)/ beho(r)en de welcke zij nu all niet wel en souden/ weten uut te reycken Bege(re)nde aen ons d(air) o(m)me
//
te hebben onse behulp troost en(de) assistencie ende/ want dese sake en(de) materie ons in vordernisse/ van gemeyne(n) orbo(r)e in deser stad grootelijc aengae(n)/ Soe eest dat wij borg(er)meeste(re)n scepen(en) ende/ raidt der stad van loeven(e) voirs(creven) voir ons inden/ name en(de) van wegen der voirs(creven) stad gelooft/ hebben ende ghelove(n) in goeden trouwen elcke(n)/ van u die nu en(de) te desen male met den voirs(creven)/ onsen coopluden oft e(n)nigen van hen comenscape(n)/ sal van yngelscher wollen de selve wolle te/ betalen wel en(de) deugdelijck tot alsulcken dagen/ en(de) t(er)mijnen als zij d(air) af nemen sullen tot der/ so(m)men toe van drie hondert l(i)b(ra) gr(ote) vleem(sch) oft/ dair onder en(de) niet dair boven soe verre/ de selve coopluden oft e(n)nich van hen van/ sulcker schout hue(r) obligacie sullen hebbe(n) gegeve(n)/ ov(er)nemen(de) dese onse en(de) oick hue(r) obligacie En(de)/ des torconden (et)c(etera) in pleno (con)s(ilio) Eisd(em)