Alsoe als ten v(er)volge pauwels oliviers als p(ro)cur(eur)/ des goidshuys van meeghdendale bij oplynthe(r)/ geleydt zijnde nae des(er) stadt recht uuyt crachte/ van scepen(en) brieve(n) van loven(e) tot allen den goeden/ beyde have en(de) erve ond(er) den ande(re)n jans wilen/ steve(n)s geheete(n) witte ernoults de biertrais en(de) jans/ van adorp geheeten gillar soe wair die gelegen/ sijn Met brieve(n) van des(er) stadt gescreve(n) es geweest/ aen den baillui van ha(n)nuyt oft zijne(n) stadhoude(re)/ hem alle der voirs(creven) p(er)sone(n) goede te leve(re)n en(de)/ peyslijc te doen volgen ende den kinde(re)n jans/ steve(n)s en(de) janne van adorp oft zij tegen de/ voirs(creven) leveri(n)ge yet hadden willen allege(re)n dach/ van rechte alhier te co(m)pare(re)n inde banc voir/ meye(re) en(de) scepen(en) van loven(e) doen besceyden/ ald(air) de voirs(creven) p(er)sone(n) noch nyema(n)t van huere(n)/ wegen en es geco(m)pareert den voirs(creven) p(ro)cur(eur) altijt/ co(m)pare(re)nde en(de) trecht voirt v(er)sueken(de) Soe hebbe(n)/ de scepen(en) van loven(e) nae voirgaen(de) vo(n)niss(en)/ van claernisse te hebben vand(er) execucie(n) en(de)/ dach besceydinge(n) nae dien de voirs(creven) bailluy/ mair en hadde ge(re)ctificeert de leveri(n)ge van/ twee p(er)sone(n) die oic inde voirs(creven) leveri(n)ge genoe(m)t/ stonden gedaen te hebben te weten(e) joes wile(n)/ van halleer en(de) lyebrechts van halleer Welke/ bailluy d(air)nae geclairt heeft in p(rese)ntien gords/ vanden berghe substituyt vanden borg(er)meest(er)/ mits gebreke van scepen(en) de leveri(n)ge van/ alle de voirs(creven) p(er)sone(n) goeden te hebben gedaen/ alsoe hij dat inde banc voir scepen(en) heeft/ gec(er)tificeert Ov(er)mits dien en(de) dat ter maniss(en)/ smeyers gewesen voir een vo(n)nisse datmen/ den voirs(creven) p(ro)cur(eur) vand(en) goeden der voirs(creven) jans wile(n)/ steve(n)s ernoults de biertrais en(de) jans van adorp/ houde(n) soude inde macht van zijne(n) voirs(creven)/ scepen(en) brieve(n) beleyde tot zijne(n) wettige(n)/ gebreke behoef soe v(er)re het noch voir hen/ scepen(en) comen es In sca(m)pno dece(m)br(is) ii