Vander questien geport vanden raide vander stadt/ tusschen joha(n)nese beke die alhier hadde doen bescrive(n)/ de bedesett(er)s van houdert ter eenre zijden ende/ janne reers henricke cole bedesett(er)s en(de) meer ande(re)/ goede manne(n) inden name vanden dorpe van houdert/ ter ande(re) om der beden wille die zij den selve(n) ja(n)nese/ eysschen vanden rinten die om der oirlogen wille/ opv(er)staen t(er)stont nae de doot des busscoppen van/ luydick salig(er) gedachten gefineert wa(r)en bijd(er) stad/ van loven(e) ten laste vanden lande gedragen(de) de selve/ rinte ten laste vand(en) lande dorpe voirs(creven) xiiii rinschguld(en)/ half erflijck en(de) half lijftochten Te voirde(r) want/ soe de voirs(creven) bedesett(er)s te kynne(n) gaven de selve
//
beke ten tijde vanden selven financie(n) en(de) dat meer/ was ten tijde den dorpe voirs(creven) de voirs(creven) quote/ van xiiii rinschguld(en) ov(er)bracht was buycvast/ sadt en(de) woenachtich was inden voirs(creven) dorpe en(de)/ was alsoe mits dien sculdich te contribue(re)n met/ en(de) gelijc hen soe sij sustineerden Voirts om seke(re) graviteyt/ den hee(re) van zichen(en) gedaen bij gemeyne(n) ov(er)draghe/ ind(er) kerken gepubliceert van xx rinschguld(en)/ voir sdorps porcie om dbescudde(n) vand(en) selve(n) en(de)/ dae(re)nbove(n) noch om vie(r) oft vive [div(er)se] beden d(aer) inne/ de selve joha(n)nes soe sij meynde(n) sculdich was/ te cont(ri)bue(re)n gelijck den ingeseten(en) ald(air) Gemerct/ al mocht hij te vo(r)en te love(n) en(de) zed(er) kersmisse/ lestleden eensdeels woe(n)achtich sijn geweest soe/ soude men nochtan bevi(n)den ter wairheit dat hij/ dair sijn bed bewint en(de) bedrijf met zijne(n)/ knape(n) en(de) peerden wercken(de) gehadt hadde en(de)/ der gemeynte(n) gebruyct soe hij te vo(r)en gedaen/ hadde Bij desen reden(en) sustineerde(n) zij dat/ beke tonrechte geimpetreert hadde der stad/ brieve(n) tegen hen ende doen ontslaen ende/ scutten tvervolch op zijn goede en(de) zijnen/ wynne die die bove(n) trasteme(n)t ae(n)veert/ hadde gedaen Dair tegen de voirs(creven) beke de co(n)tra(r)ie/ sustine(re)nde seyde dat hi niet geweygert en/ hadde te betalen(e) de bede vanden v(er)cochten/ rinte(n) voirs(creven) gelijck eene(n) ingeseten(e) van des(er)/ stadt van zijne(n) goeden alleene ond(er) houdert/ gelegen mair hadden hem gestelt ter beden/ van zijne(n) ande(re)n goeden elswair gelegen/ gelijck oft hij dair noch woe(n)achtich wa(r)e des/ alsoe niet en behoirde Insgelijcx vand(er) graviteyt/ alleen(e) vand(en) goeden hem toebehoiren(de) te houdert/ gelegen en(de) aengaen(de) den ande(re)n beden p(rese)nteerde hij/ soe v(er)re die geconsenteert wa(r)en voir en(de) eer hij te/ loven(e) quam woene(n) te co(n)tribue(re)n met hen nae advena(n)t/ van zijne(n) goeden te houd(er)t gelegen en(de) zeder zijne(n)/ v(er)trecke ald(air) als eene(en) ingeseten(e) vand(er) stad en(de)
//
hadde(n) hem de selve bedesett(er)s soe zee(r) v(er)last zijn ande(re) goede/ elswair gelegen d(air) ond(er) trecken(de) dat hij tdorp hadde moete(n)/ laten en(de) bij seke(re) t(er)mi(n)acie(n) van des(er) stad staen(de) ger(e)gistreert inde/ middel came(r) vand(er) daet febr(uarii) iii lestleden die hij exhibeerde/ Was bevonden dat zij sijn ande(re) goede ond(er) huer co(n)tribucie niet/ en behoirden te trecken(e) met meer woirden bij hem geallig(er)t/ namelijck dat zijn bewint niet lang(er) geduert en hadde/ dan tot halfmerte lestlede(n) en(de) van dier tijt voirt hadde hij d(air)/ eene(n) wy(n)ne gehadt Es get(er)mineert bijd(en) rade vand(er) stadt bliven(de)/ bijde voirt(er)mi(n)acie(n) dat de voirs(creven) beke gestaen sal va(n) zijne(n) goede(n)/ alleen(e) te houd(er)t gelegen bede ald(air) te betalen(e) tot halfm(er)te/ lestleden gelijck eene(n) ingeseten(e) vand(en) dorpe en(de) van/ halfm(er)te voirts vande(n) selve(n) goede(n) ald(air) gelegen gelijc eene(n)/ ingeseten(e) vand(er) stadt En(de) ae(n)gaen(de) den gefineerde(n) rinte(n)/ sal hij gehoude(n) sijn tot houd(er)t alleen(e) van zijne(n) goede(n)/ ald(air) gelegen bede te betalen(e) en(de) blive(n) betalen(de) gelijck/ eene(n) ingeseten(e) vanden dorpe Act(um) in (con)s(ili)[o] opidi/ augusti ix