Nae dien jan wuytken onse poirte(r) geint(er)p(re)se(n)teert/ heeft brieve(n) van des(er) stad den meye(re) van wave(r)/ om van hem afgedaen te hebben(e) alsulke(n) belet/ als hem robbeert le corbesier dede aen seke(re) pe(n)ni(n)gen/ die de selve robbeert hadde gesedt onder wet te wave(r)/ alse voir de naderscap van seke(re)n goeden bijden voirs(creven)/ janne wuytken gecocht tegen janne de royllie/ De welke de voirs(creven) robbeert als mo(m)boir zijns wijfs/ vernaerd(er)t hadde welke pe(n)ni(n)ge zij den voirs(creven) janne/ woytken niet en woude laten volgen alsoe hij te/ kynne(n) gaf nochtan dat den voirs(creven) robbeerde vand(er)/ selver naederscap guedinge gedaen was ende was/ altijt bereet te clee(re)n bij eede de wettige come(n)scap/ tusschen hem en(de) den voirs(creven) janne de roillie geschiet/ Sijn op heden geco(m)pareert de voirs(creven) meye(r) ende/ met hem de voirs(creven) robbeert aldair de voirs(creven) meye(r)/ seyde dat hij hem aen de pe(n)ni(n)ge niet en stiet noch/ gheen belet d(air)aen doen en woude ende de voirs(creven)/ robbeert seyde soe verre hij den eedt dade soe vele/ pe(n)ni(n)gen hij voir de principale come(n)scap betailt/ hadden geweest hij wa(r)e te vreden hem de pe(n)ni(n)ge/ te laten volgen hij en woude hem oic dair gheen/ belet aen doen Dairtegen de voirs(creven) jan wuytken/ seyde dat hij niet voirde(r) en wa(r)e sculdich bij eede/ te v(er)cle(re)n dan de wettighe come(n)scap te voirde(r)/ wa(n)t hij de come(n)scap pe(n)ni(n)ge vand(er) wettig(er) come(n)scap/ hadde gestelt ende gekent in p(rese)ntien vand(er) wet/ tot behoefs zijns v(er)coop(er)s ten tijde vand(er) come(n)scap/ dair de wet die doen dair bij was mede te/ vreden wa(r)en dwelc hij ofts noot wa(r)e p(rese)nteerde
//
te thoen(en) ende eer de voirs(creven) pe(n)ni(n)ge den v(er)coope(r) wa(r)en/ overgelevert wa(r)en dair myn pe(n)ni(n)gen bevonden/ dair aen hij hem niet en stiet hopen(de) mits dien/ dat hij vanden pe(n)ni(n)gen gheene(n) eedt doen en/ soude dan alleene vand(er) come(n)scap den voirs(creven) robbeerde/ de co(n)tra(r)ie sustine(re)nde Es bijden raide vand(er) stadt/ get(er)mineert en(de) uuytgesproken dat soe verre de/ voirs(creven) onse poirte(r) bij eede vercleert de wettige/ come(n)scap het zij hier oft ter plaetsen van wavre/ dair zijn wed(er)p(ar)tie dat begheert dat hem zijn/ pe(n)ni(n)ge volghen sullen soe verre de come(n)scap/ mette(n) coste d(air)op gedaen strect In (con)s(ili)[o] opidi septe(m)br(is)/ p(ri)ma