It(em) arnt ongeleghe en(de) willem van hoilair die tegen/ arnde vynck genomen hadden zijn hof gelegen/ te meerbeke bij eversberghe neve(n) thof van/ rotselair van half meye lestleden eene(n) t(er)mijn/ van xii ja(r)en elcx jairs om de helicht vanden/ vruchten d(air) op jairlijcx wassen(de) d(air) af zij de vruchten/ nu inne gedaen hebben Hebben den selve(n) arnde/ de selve pechtinge wed(er)o(m)me overgegeve(n) ende/ hem geconsenteert te half meye naistcomen(de) zijn/ proffijt d(air)mede te doen(e) behalven den condicie(n)/ hier nae volgen(de) die de voirs(creven) wynne tot half meye/ toe sculdich sal zijn te voldoen(e) Te weten(e) yerst/ dat de voirs(creven) wynne alst tcoren dat d(air) nu inde/ schue(r) es gedorsschen sal zijn sculdich sullen zijn/ te loven te leve(re)n dairt arnde gelieve(n) sal sond(er)/ arnts cost It(em) sullen de wynne(n) alle de huyse/ houden vand(er) onderster rijkelen nederweert op/ zijne(n) cost den voirs(creven) t(er)mijn tot half meye due(re)nde/ It(em) sal de wynne leve(re)n vijftich mandele(n) walms/ om de huysinge(n) mede te decken(e) en(de) alsmen die/ ald(air) verdect oft van ande(re)n ouden wercke werct soe/ sal de wynne den wercleden den mo(n)tcost gheven en(de)/ arnt sal de dachue(re)n betalen en(de) de wynne sal/ besorgen de theenen en(de) de dackroeden alsoe v(er)re/ als den voirs(creven) walm strecken sal It(em) oft alsoe geviele/ dat god verbieden moet dat e(n)nich tempeest/ van reghene oft van e(n)nigen schoerwate(r) e(n)nige/ grebben oft waterleyen quame(n) soe sal dat de wynne/ arnde terstont cundige(n) en(de) dan sal de wynne een/ hulpe setten om dat te doen maken It(em) de wynne/ sal halen tot erps op den mot(er)poel xviii voed(er)/ mergels met vier peerden oft een ynde mergels/ dair arnt keuse af heeft en(de) dien vue(re)n op dlant/ slants meesten p(ro)ffijte en(de) des sal arnt den mergel/ opten poel betalen It(em) sal de voirs(creven) wynne de/ voirs(creven) lande wynne(n) werve(n) en(de) mesten wel en(de)
//
loflijck gelijck reengenoote(n) bove(n) ende beneden/ soe wel opde veerste als opde naiste Ende opde/ voirs(creven) goede comen woene(n) t(er)stont met zijne(n)/ huysgesinne It(em) sal de voirs(creven) wynne de voirs(creven) goede/ wel en(de) loflijc bevreden en(de) grichten en(de) ten ynde/ van zijne(n) t(er)mijne wel en(de) loflijck bevreedt/ en(de) gegricht laten It(em) sal de voirs(creven) arnt moegen/ coopen xii voede(re)n mests ten naisten d(air)men die/ gecrigen can ende wynne sal tvie(re)ndeel d(air)af/ betalen en(de) dat mest al vue(re)n op te voirs(creven) lande/ slants meeste(n) p(ro)ffijte soe wel opde veerste als opde/ naiste Voirt sal de voirs(creven) wynne de voirs(creven) lande/ totten voirs(creven) hove behoiren(de) ten ynde van zijne(n) t(er)mijne/ laten sal ind(er) manie(re)n hier nae volgen(de) te weten(e)/ dwynt(er)coren besaeydt op vier getideghe vo(r)en de/ gherste op drie ende de evene op twee getideghe/ vo(r)en en(de) de brake op een vo(r)e It(em) sal de wynne alle/ tstroo en(de) voesteringe vanden voirs(creven) goeden comen(de)/ int selve hof met zijne(n) beesten moete(n) slyten/ ende etten en(de) mest d(air)af maken en(de) dmest vue(re)n/ opte voirs(creven) lande soe wel opde veerste als op de naiste/ en(de) alle stroe dat hem bove(n) zijn voesteringe voed(er)t/ overt sal hij in tvoirs(creven) hof laten sond(er) dat te/ v(er)coopen oft ewech te vue(re)n It(em) alle dmest int voirs(creven)/ hof wesen(de) sal hij vue(re)n opde voirs(creven) lande ten meeste(n)/ p(ro)ffijte der selver alsoe wel opde veerste als opde/ naiste It(em) sal de voirs(creven) wynne op thof voirs(creven) den/ voirs(creven) t(er)mijn due(re)nde moete(n) houden hond(er)t hoetscapen/ It(em) sal de voirs(creven) arnt coopen dertich mandele(n) wynt(er)stroos/ ende des sal arnt betalen de twintich et de wynne/ de thien mandele(n) en(de) die gecocht zijnde dairt arnde/ gelieve(n) sal soe saelt de wynne moeten halen sond(er) arnts/ cost It(em) sal de voirs(creven) wynne moeten setten op tvoirs(creven)/ goet xxv willigepoeten ten meesten p(ro)ffijte ende/ ofter e(n)nige willigen verdroochden die sal de wynne
//
hebben en(de) voir elke sitten twee leven(de) poten ende dese/ willigen gesedt zijnde soe sal de wynne arnde d(air)op/ leyden om die te visiteren(e) Item wairt datmen int voirs(creven)/ hof wrachte van ouden wercke in wat manie(re)n dat/ wa(r)e soe sal de wynne alle dinck moete(n) ae(n)halen/ het zij leem latten steene hout oft anders desmen/ behoeve(n) sal sond(er) arnts cost It(em) sal de voirs(creven) wyn den/ chijs uuyte(n) voirs(creven) hove ende woenhuyse gaen(de) sond(er)/ afslach It(em) sal de wynne hebben tot halfmeye voirs(creven)/ alsulken eeussele(n) als jan moens gehouden heeft en(de)/ om den selven prijs dat hijt heeft gehadt It(em) es voirw(er)de/ wa(n)t den arnt die de voirs(creven) wynne nu besaydt late(n) sal/ myndre es dan den ghene(n) die hij nu inde schue(r)/ heeft dat zij he(m) d(air)af submitte(re)n sullen in vie(r) lantwynne(n)/ hen des verstaen(de) te weten(e) van elker zijden twee en(de)/ soe wes die segghen dat dien beter es dat sullen de/ voirs(creven) wynne(n) sculdich zijn opte richten(e) Ende alle dese/ vorw(er)den Cora(m) lyefkenrode hoeve(n) septe(m)br(is) iiii